សត្រូវពិតប្រាកដរបស់អាមេរិកនាពេលនេះត្រូវបានពិភពលោកទាំងមូលដឹងថា គឺជាចិននិងរុស្ស៊ី ប្រទេសដូចអីរ៉ង គុយបា ឬវេណេហ្ស៊ូអែឡា មិនសមឲ្យអាមេរិកចាត់ទុកជាសត្រូវនោះឡើយទាំងនោះហើយបានជាអាមេរិកបង្កើតទំនាក់ទំនងឲ្យប្រសើរឡើងវិញជាមួយប្រទេសទាំងនោះ។ សកម្មភាពរបស់អាមេរិក គឺសមស្របទៅនឹងការកាត់បន្ថយកម្លាំងយោធារាប់មឺុននាក់ ដើម្បីសន្សំសំចៃថវិការ ក្នុងពេលដែលអាមេរិកមានសត្រូវតិចដែរ។
ដោយការកាត់បន្ថយខាងលើនោះហើយធ្វើឲ្យអាមេរិកបានចាប់ផ្តើមអភិវឌ្ឍន៍គ្រាប់បែកបរមាណូដែលផលិតតាំងពីសម័យសង្គ្រាមត្រជាក់ឲ្យកាន់តែមានភាពទំនើបទាន់សម័យកាល ។ ក្នុងរយពេលនេះអាមេរិកមិនបានបង្ហាញពីការផលិតសព្វាវុធថ្មីៗនោះឡើយ បានធ្វើឲ្យអ្នកឯកទេសអាមេរិកយល់ច្រឡំថាអាមេរិកកំពុងតែចាញ់នៅក្នុងការប្រគួតប្រជែងសព្វាវុធ។
អ្នកសារព័ត៌មានជនជាតិអាមេរិក លោក David Andelman បានសរសេរ អត្ថបទមួយចុះផ្សាយនៅលើសារព័ត៌មាន អាមេរិក USA today ដោយលោក បញ្ជាក់ថា“លើកនេះយើងបានចាញ់នៅក្នុងការប្រកួតប្រជែងសព្វាវុធ”។
លោក David Andelman បញ្ជាក់ថា រុស្ស៊ីបានបង្ហាញរថពាសដែកប្រភេទថ្មី ទាំងស្រុង។ មិនត្រឹមតែប៉ុណ្ណោះ រុស្ស៊ី បានដាក់ឱ្យប្រើប្រាស់នូវយន្ដហោះ ចម្បាំងដូចជា Mig 35 កាំជ្រួចមីស៊ីល ការពារដែនអាកាស Panshir-S1 នៅ ក្នុងឃ្លាំងអាវុធយុទ្ធសាស្ដ្រទៀតផង។ ប្រព័ន្ធសព្វាវុធទាំងនោះអាចវាយប្រហារ ទៅលើកាំជ្រួចមីស៊ីលមានស្លាប ឬនាវា មុជទឹកបំបាំងកាយ។ក្នុងរយៈពេល៥ឆ្នាំខាង មុខសម្ភារ:យោធារបស់រុស្ស៊ីដល់ទៅ ៧០ភាគរយជារបស់ថ្មីបំផុត។
លោក David Andelman បានសារ ភាពថា ការប្រកួតប្រជែងសព្វាវុធនៅ លើពិភពលោកមិនត្រឹមតែអាមេរិក និងរុស្ស៊ីប៉ុណ្ណោះទេ គឺមានប្រទេសជា ច្រើនបានចូលរួម។ លោកបញ្ជាក់ទៀតថា ចិនក៏បានសាងសង់នាវាផ្ទុកយន្ដហោះ មួយគ្រឿងរួចជាស្រេចហើយពេលនេះ ចិនបន្ដសាងសង់នាវាផ្ទុកយន្ដហោះថ្មី មួយទៀតដែលបំពាក់ឧបករណ៍ទំនើប មិនចាញ់នាវារបស់អាមេរិកនោះឡើយ។
ដើម្បីឆ្លើយទៅនឹងសំណួរសួរថា តើអ្នក ណាជំរុញឱ្យមានការប្រកួតប្រជែងសព្វាវុធ?អ្នកសារព័ត៌មានអាមេរិ កបានដកស្រង់សម្ដីអតីតអគ្គនាយកក្រសួងចារកិច្ច អង់គ្លេសលោក David Omand បញ្ជាក់ ថា “អស់លោកបានអនុម័តការដាក់ ទណ្ឌកម្មទៅលើប្រទេសជាច្រើនដូចជា រុស្ស៊ី និងអីរ៉ង ហើយប្រទេសទាំងនោះ មិនបានប្រតិកម្មតបតអ្វីនោះឡើយដោយ សារតែពួកគេមានវិផីសាស្ដ្រវាយបក វិញប្រកបដោយប្រសិទ្ធភាព”។
ជាការពិតណាស់រយៈពេលកន្លងមក រុស្ស៊ីនិងអ៊ីរ៉ងបានបង្ហាញនូវសព្វាវុធថ្មីៗ ហើយដាក់ឱ្យប្រើប្រាស់នៅក្នុងជួរកងទ័ព ចំណែកអាមេរិកវិញមិនមានសព្វាវុធណាមួយថ្មីបង្ហាញឱ្យពិភពលោកបាន ឃើញនៅឡើយ ទាំងនោះជាការបរាជ័យ មួយនៅក្នុងការប្រកួតប្រជែងសព្វាវុធ នៅលើពិភពលោក។
បច្ចុប្បន្នដោយសារតែមានវិវាទជា ច្រើនបានកើតឡើងនៅលើពិភពលោក ពិសេស គឺវិវាទដែនអធិបតេយ្យ និងការ ពង្រីកអំណាច បានជំរុញឱ្យប្រទេសជា ច្រើនត្រូវបង្កើនការផលិតសព្វវុធក៏ដូចជាបង្កើនការទិញសព្វាវុធ ជាដើម។
អាមេរិកជាប្រទេសមានកម្លាំងយោធាខ្លាំងជាងគេបំផុតនៅលើ ពិភពលោក តែរយៈពេលកន្លងមកអាមេរិកមិនបានបង្ហាញនូវសព្វាវុធថ្មីៗរបស់ ខ្លួននោះឡើយ។ ដោយប្រើប្រាស់តែសព្វាវុធចាស់ៗតែ ប៉ុណ្ណោះ តែមានគុណភាពនិងប្រសិទ្ធភាព ជាងប្រទេសនានានៅលើពិភពលោក ។
អាមេរិកមាននាវាផ្ទុកយន្ដហោះដល់ទៅ១១គ្រឿងដើរដោយ ថាមពលបរមាណូ និងកងពលនាវាចម្បាំងដ៏រឹងមាំនិងទំនើប បំផុតលើពិភពលោកគ្មានប្រទេសណា អាចប្រៀបផ្ទឹមបានឡើយ។មិនត្រឹមតែមានសព្វាវុធទំនើបៗប៉ុណ្ណោះទេ កម្លាំង ទាហានអាមេរិកថែមទាំងមានបទពិសោធ ច្រើនក្នុងការធ្វើសង្គ្រាមក៏ដូចជាការ កម្ទេចនាវាផ្ទុកយន្ដហោះរបស់សត្រូវ។
និយាយរួមអាមេរិកអាចកម្ទេចនាវាផ្ទុកយន្ដហោះសត្រូវបានតែ សត្រូវមិន អាចកម្ទេចនាវាផ្ទុកយន្ដហោះរបស់ អាមេរិកបានឡើយ។ អាមេរិកទទួលបាន បទពិសោធន៍ជាច្រើននៅក្នុងសង្គ្រាម លោកលើកទីពីរនិងសង្គ្រាមត្រជាក់។
ទទឹមនឹងសព្វាវុធទំនើបៗកម្លាមង ទាហានអាមេរិកបាននាំមុខទាហានចិនពីបទពិសោធន៍នៅក្នុងការ ធ្វើសង្គ្រាម។ ចិនមិនដែលចូលរួមនៅក្នុងសង្គ្រាមថ្នាក់ អន្ដរជាតិណាមួយនោះឡើយចាប់តាំងពីឆ្នាំ១៩៧៩បន្ទាប់ពីវាយប្រហារចូល ព្រំដែន ភាគខាងចើងប្រទេសវៀតណាមហើយ ទទួលរងនូវការខូចខាតបរាជ័យជាច្រើន។
ក្នុងពេលជាមួយគ្នានេះកម្លាំងទាហានអាមេរិកបានចូលរួមក្នុង សង្គ្រាមជា បន្ដបន្ទាប់ចាប់តាំងពីឆ្នាំ១៩៩១មក។ អាមេរិកបានបញ្ជូនកម្លាំងទៅវាយប្រហារ ប្រទេសជាច្រើនក្នុងនោះមានអីរ៉ាក់ អាហ្វហ្គានិស្ថានជាដើម។ ក្រៅពីនេះ អាមេរិកមានអាទិភាពជាងគេបង្អស់នៅលើពិភពលោក គឺបណ្ដាញអាមេរិកមាន ប្រទេសជាសម្ពន្ធមិត្ដខ្លាំងៗលំដាប់ពិភពលោកជាច្រើនរហូតដល់៦០ ប្រទេស។
មូលនិធិសម្រាប់ការពារជាតិរបស់អាមេរិកនិងប្រទេសសម្ពន្ធមិត្ដ មានរហូត ដល់៨០ភាគរយសរុបការចំណាយសម្រាប់ ការពារជាតិនៅលើពិភពលោក។ ចំណែក ចិននាពេលនេះមានប្រទេសសម្ពន្ធមិត្ដជិតស្និទ្ធិបំផុតគឺកូរ៉េ ខាងជើង និងប៉ាគីស្ថាន។ ចិនក៏បានសហការទិញសព្វាវុធពីប្រទេស រុស្ស៊ីផងដែរប៉ុន្ដែការមិនមានទំនុកចិត្ដគ្នាធ្វើឱ្យចិននិងរុ ស្ស៊ីពិបាកចាត់ទុកគ្នាជាសម្ពន្ធមិត្ដ។
រុស្ស៊ីមានទំនាក់ទំនងជាមួយប្រទេសជាច្រើនដែលជាសត្រូវរបស់ចិន ក្នុងនោះ មានទាំងឥណ្ឌ និងប្រទេសក្នុងតំបន់អាស៊ាន មានវៀតណាមជាដើម។កន្លងមករុស្ស៊ី បានលក់កាំជ្រួចមីស៊ីលឱ្យវៀតណាម ធ្វើ ឱ្យចិនខឹងសម្បាយ៉ាងខ្លាំង៕
