ខេត្តសៀមរាប ៖ លោកតាអាយុ៧៤ឆ្នាំម្នាក់ចាស់ហើយមិនព្រមទៅវត្តកាន់សិលបែរជាមានតណ្ហាក្រាស់ចាប់ក្មេងស្រីអាយុ១២ឆ្នាំម្នាក់រំលោភសេពសន្ថវ:បានសម្រេចច្រើនលើក ទីបំផុតត្រូវបានកម្លាំងនគរបាលស្រុកអង្គរជុំ ឃាត់ខ្លួនយកទៅផ្តន្ទាទោសតាមច្បាប់ទាល់តែបាន។
ការឃាត់ខ្លួនតាចាស់ស្រេកឃ្លានកាមគុណនេះបានកើតឡើងកាលពីថ្ងៃទី២១ ខែមីនា ឆ្នាំ២០២១ ក្រោយពីទទួលបានពាក្យបណ្ដឹងរបស់ម្ដាយក្មេងស្រីរងគ្រោះនិងបានកសាងសំណុំរឿងបញ្ជូនទៅតុលាការកាលពីព្រឹកថ្ងៃទី២៣ ខែ មីនានេះ។
ប្រភពពីសមត្ថកិច្ចនគរបាលស្រុកអង្គរជុំ បានប្រាប់ឱ្យដឹងថា ជនសង្ស័យខាងលើឈ្មោះ ម៉ៃ មៀន អាយុ៧៤ឆ្នាំ រស់នៅឃុំចារឈូក ស្រុកអង្គរជុំ ខេត្តសៀមរាប ចំណែកក្មេងស្រីរងគ្រោះអាយុ១២ឆ្នាំ ។
ប្រភពដដែលបានបញ្ជាក់ថា ដោយផ្អែកតាមការស្តាប់ចម្លើយរបស់ជនសង្ស័យ បានសារភាពថា «ខ្លួនពិតជាធ្លាប់បានរួមភទជាមួយក្មេងស្រីរងគ្រោះពិតប្រាកដមែន គឺតាំងពីរយៈ ពេល២ខែមុនកន្លងមកម្ល៉េះ ដោយបានរំលោភបានសម្រេចដល់ទៅ៦ដងហើយ»។
បច្ចុប្បន្ន កម្លាំងនគរបាលស្រុកអង្គរជុំ បានរៀបចំកសាងសំណុំរឿងបញ្ជូនជនសង្ស័យខាងលើទៅកកាន់សាលាដំបូងខេត្តដើម្បីអនុវត្តតាមច្បាប់៕
ដោយ ៖ ប្រាថ្នា
