នៅព្រលប់ថ្ងៃទី២ ខែមីនា មានករណី រញ្ជួយដីកម្រិត៧,៩រ៉ិចទ័រនៅភាគពាយព្យ នៃកោះសូម៉ាត្រាប្រទេសឥណ្ឌូនេស៊ីធ្វើឱ្យមន្ដ្រីក្នុងតំបន់ប្រកាសអាសន្នពីរលក យក្សស៊ូណាមិ។
ក្រុមធរណីមាត្រអាមេរិក USGS បានបញ្ជាក់ថា ការរញ្ជួយដីកម្រិត៧,៩ រ៉ិចទ័រស្ថិតនៅភាគពាយព្យនៃកោះស៊ូម៉ាត្រានៅវេលាម៉ោង៧និង៤៩នាទីយប់ថ្ងៃទី២ ខែមីនា ក្នុងជម្រៅ១០គីឡូម៉ែត្រនៅ ក្រោមដី។
មកទល់ពេលនេះមិនទាន់មានរបាយការណ៍ស្ដីពីការខូចខាតទ្រព្យសម្បត្ដិនិងអាយុជីវិតនៅឡើយ។ សារព័ត៌មាន AFP បានផ្សាយថា អង្គការតាមដានការ រញ្ជួយដីឥណ្ឌូនេស៊ី BMKG បានឱ្យដឹង ថា រញ្ជួយដីកម្រិត៧,៨រ៉ិចទ័រធ្វើឱ្យ មន្ដ្រីនៅក្នុងតំបន់ប្រកាសអាសន្នពីរលក យក្សស៊ូណាមិនៅតំបន់ភាគខាងលិច កោះស៊ូម៉ាត្រា និង Aceh ។
ប៉ុន្ដែនៅលើគេហទំព័ររបស់ USGS បានផ្សាយថា ការរញ្ជួយដីខាងលើមិន អាចបង្កឱ្យមានការខូចខាតទ្រព្យសម្បត្ដិនិងអាយុជីវិតក៏ដូចជាសំណងផ្សេងៗនៅក្នុងតំបន់។ ការរញ្ជួយដីកាលពីឆ្នាំ២០០៤ ក៏បានកើតឡើងនៅក្នុងតំបន់ខាងលើ បណ្ដាលឱ្យមនុស្សស្លាប់រាប់ម៉ឺននាក់ ។ ទាំងនោះហើយបានធ្វើឱ្យពលរដ្ឋនៅក្នុងតំបន់មានការភ័យខ្លាចនៅពេលមានការ រញ្ជួយដីកើតឡើង ៕ ប្រែសម្រួល៖ ម៉ែវ សាធី