ខេត្តកំពត៖ ដៃឆ្នេរសមុទ្រក្រុងកំពត នាពេលល្ងាចពិតជាមានភាពទាក់ទាញណាស់សំរាប់ភ្ញៀវទេសចរណ៍ជាតិ និងអន្តជាតិ។ ជារៀងរាល់ថ្ងៃក្រុងកំពតបានស្រូបយកអ្នកទេសចរណ៍ជាច្រើនចូលមកទស្សនារមណីយដ្ឋានប្រមាណជាង ១៣ កន្លែង ដែលមាននៅក្នុងក្រុងនេះ។ ដោយសារសន្តិភាព ទើបក្រុងកំពតមានឱកាស អភិវឌ្ឍន៌តំបន់ទេសចរណ៌ទាំងនេះ និងកសាងអភិវឌ្ឍន៌មិទ្ឋផលនានាដែលនាំមកនូវកំណើនសេដ្ឋកិច្ចគួរជាទីមោទនៈ។

ក្រៅពីទេចរណ៍ដ៏ ដៃសមុទ្រក្រុងកំពតនេះបានផ្តល់នូវមុខរបរដ៏សំខាន់ផងដែរសំរាប់បងប្អូនប្រជាពលរដ្ឋក្នុងការប្រកបរបរនេសាទគ្រប់ប្រភេទ ដើម្បីផ្គត់ផ្គង់ក្នុងជីវភាពគ្រួសារប្រចាំថ្ងៃ។ ក្នុងមួយឆ្នាំខេត្តកំពតទទួលភ្ញៀវទេសចរណ៌ជាតិ១លាន៦សែនបួនម៉ឺន (១៧ម៉ឺន ជាភ្ញៀវបរទេស) ដែលបានផ្តល់នូវមុខរបរ និងការងារដល់ប្រជាពលរដ្ឋយ៉ាងច្រើន៕

ដោយ៖ សុវណ្ណារ៉ា