កីឡាករប្រណាំងកង់ល្បី Mark Cavendish បានឈ្នះការប្រណាំងលើកដំបូងរបស់ខ្លួនក្នុងរយៈពេល៣ឆ្នាំជាមួយនឹងជ័យជម្នះនៅដំណាក់កាលទី២នៃការប្រកួតកម្មវិធីប្រណាំងកង់ Tour of Turkey ។ នេះបើយោងតាមការចេញផ្សាយរបស់ BBC Sport នៅព្រឹកថ្ងៃទី១៣ ខែមេសា នេះ។

កីឡាករជនជាតិអង់គ្លេសដែលត្រឡប់មកជាមួយក្រុម Deceuninck-Quick Step រយៈពេល៦ឆ្នាំមកហើយបន្ទាប់ពីចាកចេញពីក្រុមបែលហ្ស៊ិកបានរកឃើញវគ្គផ្តាច់ព្រ័ត្រដ៏អស្ចារ្យក្នុងការប្រកួតចម្ងាយ១០០ម៉ែត្រ និងឈ្នះក្នុងការប្រណាំងចម្ងាយ ១១៤.៩គីឡូម៉ែត្រ។

កីឡាករ Cavendish ​មានវ័យ៣៥ឆ្នាំបានប្រារព្វពិធីអបអរសាទរ ខណៈដែលគាត់បានឆ្លងផុតការឈ្នះជាលើកទី១ ចាប់តាំងពីដំណាក់កាលទី៣ នៃកម្មវិធី Dubai Tour ក្នុងឆ្នាំ២០១៨ ។ គាត់កំពុងពិចារណាអំពីការចូលនិវត្តន៍កាលពីរដូវកាលមុនមុនពេលផ្លាស់ប្តូរទៅក្រុម Deceuninck-Quick Step ។

Cavendish បានចុះហត្ថលេខាលើកិច្ចសន្យារយៈពេលមួយឆ្នាំជាមួយក្រុមហើយជ័យជំនះនេះបានបញ្ចប់នៅចំណាត់ថ្នាក់ទី៤របស់គាត់នៅក្នុងដំណាក់កាលនៃព្រឹត្តិការណ៍នេះ។

គាត់បានឈ្នះ៣០ដំណាក់កាលលើដំណើរព្រឹត្តិការណ៍ Tour de Franceហើយត្រូវបានគេចាត់ទុកថា ជាអ្នកប្រណាំងដ៏ល្អបំផុតមួយនៅក្នុងប្រវត្តិសាស្ត្រនៃព្រឹត្តិការណ៍នេះ ប៉ុន្តែត្រូវបានលុបចេញពីបញ្ជីឈ្មោះការប្រកួត Tour de France ក្នុងរយៈពេល២ឆ្នាំចុងក្រោយនេះ ៕

ដោយ៖ ភារៈ