ហេតុការណ៍ កុមារា៧នាក់ត្រូវគេរំលោភនៅក្នុងជំរំជនភៀសខ្លួន Jungle ស្ថិតនៅជាយក្រុងCalais ប្រទេសបារាំង បង្កការភ្ញាក់ផ្អើលយ៉ាងខ្លាំងដល់ពិភពលោកទាំងមូល ពិសេសគឺ ជនភៀ់សខ្លួនទាំងអស់ ។
សារព័ត៌មាន Mirror បានផ្សាយថា ក្មេងប្រុសដែលមានអាយុចាប់ពី១៤ដល់១៦ឆ្នាំ ត្រូវបានបញ្ជូនទៅព្យាបាលក្រោយពេលរងការរំលោភបំពានក្នុងរយៈពេល៦ខែ កន្លងមកនៅក្នុងជំរំ Jungle ជាកន្លែងដែលមានជនភៀខ្លួន៣.៨០០នាក់រស់នៅ ក្នុងភាគខាងជើងប្រទេសបារាំង ។
ប៉ុន្តែ តាមការបញ្ជាក់របស់ជនភៀសខ្លួនដែលរស់នៅទីនោះ ប៉ូលិសបានដឹងនៅរឿងរ៉ាវខាងលើ តែធ្វើព្រងើយនូវអ្វីដែលបានកើតឡើយ ។ ជនភៀសខ្លួនម្នាក់នៅក្នុងជំរំបានឲ្យដឹងថា «ខ្ញុំបានប្តឹងប៉ូលិស ពីការរំលោភបំពាន់ខាងលើទៅលើក្មេងប្រុស ប៉ុន្តែប៉ូលិសបានធ្វើព្រងើយ ។
មនុស្សជាច្រើននៅទីនោះបានអះអាងថា មិនមែនតែកុមារ៧នាក់ ដែលត្រូវរំលោភបំពាន់នោះឡើយ គឺមានកុមាររហូតដល់ជិត៤០០នាក់ត្រូវបំពានផ្លូវភេទ ។
ប៉ូលិស Europol កាលពីដើមឆ្នាំ២០១៦បានឲ្យដឹងថា មានកុមាររហូតដល់១០ពាន់នាក់ដែលមានសាច់ញាតិ មកជាមួយ ហើយអ្នកទាំងនោះងាយរងការរំលោភបំពាន ។
ពាក់ព័ន្ធនឹងបញ្ហាខាងលើ អ្នកនាំពាក្យអង្គការ Save The Children បានឲ្យដឹងថា កុមារភៀសខ្លួនអាចប្រឈមមុខ និងការរំលោភបំពានផ្លូវភេទនិងក្រុមជួញដូរមនុស្ស ។ ទាំងនោះជាអ្វីដែលបានកើតឡើងនៅក្នុងប្រទេសអ៊ីតាលី ក្រិច និងបារាំង ។
ហេតុការណ៍ខាងលើទទួលរងការរិះគន់យ៉ាងខ្លាំងពីជនភៀសខ្លួន ទាំងនោះបង្កឲ្យមានការប្រឆាំងតវ៉ាទៅលើរដ្ឋាភិបាលបារាំង ដែលមិនបានយកចិត្តទុកដាក់ទៅលើជនភៀសខ្លួនដែលរស់នៅក្នុងជំរំប្រទេសបារាំង ៕ ប្រែសម្រួល៖ម៉ែវ សាធី
