ខេត្តស្វាយរៀង៖ រន្ទះបាញ់សត្វក្របីមួយក្បាលងាប់និងផ្ទះអ្នកភូមិ៣ខ្នងប៉ើងដំបូលនិង រលំដោយសារមានភ្លៀងលាយជាមួយខ្យល់កន្ត្រាក់ ប៉ុន្តែសំណាងមិនមានមនុស្សរងគ្រោះថ្នាក់ដល់ជីវិត។
ហេតុការណ៍នេះបានកើតឡើងកាលពីវេលាម៉ោង៤និង៤៨នាទីល្ងាចថ្ងៃទី១៩ខែមេសាឆ្នាំ២០២១ស្ថិតនៅឃុំទួលស្តីឃុំច្រេស និងឃុំសំរោង ស្រុកចន្ទ្រាខេត្តស្វាយរៀង។
យោងតាមអាជ្ញាធរស្រុកបានអោយដឹងថាកាលពីវេលាម៉ោង៤:៤៨នាទីល្ងាចថ្ងៃទី១៩ខែមេសាឆ្នាំ២០២១
មានភ្លៀងលាយជាមួយខ្យល់កន្ត្រាក់ បង្ករអោយប៉ើងដំបូលផ្ទះ និង រលំផ្ទះ ប្រជាពលរដ្ឋ ចំនួន ០៣គ្រួសារ មាន
១-ឈ្មោះ វង សាត ភេទប្រុសអាយុ ៣១ឆ្នាំ ផ្ទះសាងសង់អំពីឈើប្រក់សង័្កសីទំហំ ៥ម៉ែត្រគុណនិង៦ម៉ែត្រ(ខូចខាតដំបូល)។
២មានឈ្មោះ ឌីន ចាន់ធឿន ភេទស្រីអាយុ ៣៧ឆ្នាំផ្ទះសាងសង់អំពីថ្មប្រក់គ្បឿងទំហំ៧ម៉ែត្រគុណនិង១២ម៉ែត្រ (ខូចខាតប៉ើងក្បឿងមួយចំនួន)ដោយ ទាំងពីគ្រួសារមានទីលំនៅភូមិដូនទៃ ឃុំទួលស្តី ស្រុកចន្រ្ទា។
និងទី ៣-មានឈ្មោះ គឹម ដា ភេទប្រុស អាយុ ៣៣ឆ្នាំ មុខរបរ កសិករ ផ្ទះសាងសង់អំពីឈើ ដំបូលប្រក់សង្ក័សី ជញ្ជាំងសង្ក័សី មានទំហំ ៥ម៉ែត្រគុណនិង៥ម៉ែត្របណ្ដាលឲ្យខូចខាតទាំងស្រុង មានទីលំនៅភូមិបន្លាស្អិត ឃុំច្រេស ស្រុកចន្ទ្រា ។
ប្រភពបន្តថាហើយនៅវេលាម៉ោង៥:៣០នាទីល្ងាចថ្ងៃដដែលមានករណីគ្រោះធម្មជាតិ(រន្ទះបាញ់ក្របីងាប់០១ក្បាល)មានម្ចាស់ក្របីឈ្មោះ ថន សាម៉េត ភេទ ប្រុសអាយុ ៤១ឆ្នាំ រស់នៅភូមិចេក ឃុំសំរោង ស្រុក ចន្រ្ទាដោយមិនមានមនុស្សរងគ្រោះថ្នាក់នោះទេ៕
ដោយ៖ យឹម សុថាន
