ក្រុមទាំង៦នៃលីកកំពូលអង់គ្លេសដែលបានប្រកាសចូលរួមប្រកួតក្នុងក្របខ័ណ្ឌអឺរ៉ុប European Super League បានដកខ្លួនចេញពីការប្រកួតជាផ្លូវការវិញហើយ ក្រោយពីមានបាតុកម្មពីអ្នកគាំទ្រមិនឲ្យក្លិបទាំងនោះចូលរួម។ នេះបើយោងតាមការចេញផ្សាយរបស់ BBC Sport នៅព្រឹកថ្ងៃទី២១ ខែមេសា ឆ្នាំ២០២១នេះ។

ក្រុម Manchester City គឺជាក្លិបដំបូងគេដែលត្រូវដកខ្លួនចេញបន្ទាប់ពី Chelsea បានបង្ហាញពីចេតនារបស់ពួកគេក្នុងការធ្វើដូច្នេះដោយរៀបចំឯកសារដើម្បីដកខ្លួនចេញដែរ។ ចំណែក៤ក្រុមទៀតគឺ Arsenal, Liverpool, Manchester United និង Tottenham សុទ្ធសឹងតែបានអនុវត្តតាមហើយ

ពានរង្វាន់លីកកំពូល European Super League នេះមានចំនួន១២ក្រុមត្រូវបានប្រកាសកាលពីថ្ងៃអាទិត្យដើម្បីធ្វើការថ្កោលទោសជាទូទៅ។

ក្រុម Manchester City បានបញ្ជាក់ថា ពួកគេបានបង្កើតជាផ្លូវការនូវនីតិវិធីដើម្បីដកខ្លួនចេញពីក្របខ័ណ្ឌ Super League ។

ក្រុមហង្សក្រហម Liverpool បានអះអាងថា ការចូលរួមរបស់ពួកគេនៅក្នុងលីកផ្តាច់ព្រ័ត្រដែលបានស្នើឡើងត្រូវបានបញ្ឈប់ដែរ។

ចំណែកក្រុមបិសាចក្រហម Manchester United បានបញ្ជាក់ដែរថា ពួកគេបានស្តាប់ដោយយកចិត្តទុកដាក់នូវប្រតិកម្មពីអ្នកគាំទ្ររបស់យើង រដ្ឋាភិបាលចក្រភពអង់គ្លេស និងភាគីពាក់ព័ន្ធដទៃទៀត ក្នុងការសម្រេចចិត្តរបស់ពួកគេមិនចូលរួមនោះទេ។

ក្រុម Arsenal បានសុំទោសនៅក្នុងលិខិតចំហមួយទៅកាន់អ្នកគាំទ្ររបស់ពួកគេ ហើយបាននិយាយថាពួកគេបានធ្វើឱ្យមានកំហុសមួយដោយបន្ថែមថា ពួកគេកំពុងដកខ្លួនចេញបន្ទាប់ពីស្តាប់ពួកគេនិង សហគមន៍បាល់ទាត់នៅអង់គ្លេស។

ប្រធានក្លិប Tottenham លោក Daniel Levy បាននិយាយថា ក្លិបបានសោកស្តាយចំពោះការបញ្ចេញក្តីបារម្ភ និងការតូចចិត្តពីអ្នកគាំទ្រដែលបណ្តាលមកពីសំណើនេះ។

ក្រុមតោខៀវ Chelsea បានបញ្ជាក់ថា ពួកគេបានចាប់ផ្តើមនីតិវិធីផ្លូវការសម្រាប់ការដកខ្លួនចេញពី European Super League នេះដែលពួកគេបានចូលរួមកាលពីចុងសប្តាហ៍មុន។

លោក Aleksander Ceferin ប្រធាន Uefa បានស្វាគមន៍ចំពោះការផ្លាស់ប្តូរនេះដោយបន្ថែមថា “ពួកគេបានវិលត្រឡប់មកវិញ ហើយឥឡូវនេះខ្ញុំដឹងថាពួកគេមានផ្តល់ជូនជាច្រើនមិនត្រឹមតែការប្រកួតរបស់យើងប៉ុណ្ណោះទេ ប៉ុន្តែសម្រាប់ការប្រកួតអឺរ៉ុបទាំងមូល។ អ្វីដែលសំខាន់នៅពេលនេះគឺយើងបន្តដំណើរទៅមុខបង្កើតសាមគ្គីភាពដែលការប្រកួតបានរីករាយមុននេះ និងឆ្ពោះទៅមុខជាមួយគ្នា”។

ក្លិបបាល់ទាត់ធំទាំង៦របស់អង់គ្លេសគឺជាផ្នែកមួយនៃក្រុមដែលមានក្រុម Atletico Madrid របស់អេស្ប៉ាញ, Barcelona និង Real Madrid និងអ៊ីតាលី AC Milan, Inter Milan និង Juventus ដែលបានប្រកាសផែនការបង្កើតលីកថ្មីនៅរដូវកាលដែលពួកគេសង្ឃឹមថា នឹងបង្កើតជាសប្តាហ៍ថ្មី ក្នុងការប្រកួតប្រជែង។

សូមបញ្ជាក់ថា ការដកខ្លួនចេញពីក្លិបធំៗទាំង៦នៅអង់គ្លេសនេះ បន្ទាប់ពីមានការថ្កោលទោសដោយអ្នកគាំទ្រអាជ្ញាធរបាល់ទាត់ និងរដ្ឋមន្រ្តីរដ្ឋាភិបាលនៅចក្រភពអង់គ្លេស និងនៅទូទាំងទ្វីបអឺរ៉ុបដោយសមាគម Uefa និងសមាគមលីក។ អ្នកគាំទ្រប្រមាណ១០០០នាក់បានប្រមូលផ្តុំគ្នានៅខាងក្រៅទីលាន Stamford Bridge របស់ក្លិប Chelsea មុនពេលការប្រកួតរបស់ពួកគេប៉ះជាមួយ Brighton កាលពីថ្ងៃអង្គារដើម្បីតវ៉ាចំពោះការចូលរួមរបស់ក្លិបក្នុងក្របខ័ណ្ឌ European Super League ថ្មីនេះ ៕ដោយៈភារៈ