ខេត្តបាត់ដំបង៖ សាច់មាន់ខូចគុណភាពចំនួន៥០០គីឡូក្រាម ដែលឈ្មួញលួចនាំចូលពីទឹកដីថៃចូលមកប្រទេសកម្ពុជាខុខុសច្បាប់ត្រូវបានកម្លាំងនគរបាលប្រឆាំងបទល្មើសសេដ្ឋកិច្ចខេត្តស្ទាក់ចាប់បាននៅរសៀលថ្ងៃទី២១ ខែមេសា ឆ្នាំ២០២១ នៅចំណុចឃុំជ្រោយ ស្តៅ ស្រុកថ្មគោល។ក្រោយបង្រ្កាបបានភ្លាមសរដ្ឋបាលខេត្តបាត់ដំបងបានបង្កើតគណ:កម្មការចម្រុះសម្រេចដុតបំផ្លាញចោលនភកន្លែងកើតហេតុតែម្តង។
លោកវរសេ នីយ៍ឯក យី យក់សាន នាយការិយាល័យប្រឆាំងបទល្មើសសេដ្ឋកិច្ចននៃស្នងការដ្ឋាននគរបាលខេត្តបានឲ្យដឹងថាការចុះបង្ក្រាបសាច់មាន់ខូចគុណភាពចំនួន៥០០គីឡូក្រាមនេះ ធ្វឡើងដោយអនុវត្តតាមបទបញ្ជារបស់លោកឧត្តមសេនីយ៍ទោ សាត គឹមសាន ស្នងការនគរបាលខេត្តបាត់ដំបង និងដោយបានការសម្របសម្រួលលើនីតិវិធីពលោក គឺ ប៊ុណ្ណារ៉ា ព្រះរាជអាជ្ញាអមសាលាដំបូងខេត្តបាត់ដំបងផងដែរ។
ប្រភពដដែលបានឲ្យដឹងទៀតថាកម្លាំងនគរបាលប្រឆាំងបទល្មើសសេដ្ឋកិច្ចខេត្ត សហការជាមួយសមត្ថកិច្ចនគរបាលស្រុកថ្មគោល បានឃាត់រថយន្តកាមរីពណ៌សមួយគ្រឿងពាក់ស្លាកលេខ បាត់ដំបង 2A-1542 នៅចំណុចឃុំជ្រោយ ស្តៅ ស្រុកថ្មគោល បន្ទាប់ពីស្រាវជ្រាវដឹងថារថយន្តនេះផ្ទុកសាច់មាន់ខូចគុណភាពនាំចូលពីប្រទេសថៃ។
ខណ:កំពុងឃាត់រថយន្តនេះភ្លាមអ្នកបើកបរបានគេចខ្លួន ចេញពីទីនោះបាត់ទៅ ហើយមកដល់ពេលនេះសមត្ថកិច្ចកំពុងស្វែងរកអត្តសញ្ញាណម្ចាស់ថយន្ត និងប្រភពនៃការអនុញ្ញាតឱ្យមានការលួចនាំចូលសាច់មាន់ខូចគុណភាពទាំងនេះ ពីចំណុចព្រំដែនណណាមួយនោះ។
បន្ទាប់មកសមត្ថកិច្ចចម្រុះបានយកសាច់មាន់ខូចគុណភាពចំនួនកន្លះតោននេះទៅដុតកម្ទេចចោលនៅនឹងកន្លែងតែម្តង៕
ដោយ÷ប្រាថ្នា
