កីឡាករវាយតឺន្នីសលំដាប់កំពូល Rafael Nadal បានឈ្នះពានរង្វាន់ Barcelona Open ជាលើកទី១២ របស់ខ្លួន ក្នុងការប្រកួតរយៈពេល៣សិតទៅលើកីឡាករ Stefanos Tsitsipas របស់ក្រិក។Rafael Nadal តាមពីក្រោយដោយលទ្ធផល ៤-២ នៅក្នុងការប្រកួតបើកឆាក ។
BBC Sport បានផ្សាយនៅព្រឹកថ្ងៃទី២៦ មេសានេះថា កីឡាករលេខ៥ពិភពលោក Tsitsipas បានបង្ហាញពីភាពអស្ចារ្យនៅក្នុងសិតទី២ ដោយសន្សំបាន២ពិន្ទុក្នុងការប្រកួត១០ប្រកួតមុនពេលបញ្ចប់ការប្រកួត។នៅសិតទី៣ Rafael Nadal ធ្វើបានល្អជាងដោយដាក់សម្ពាធដើម្បីយកឈ្នះក្នុងលទ្ធផល ៦-៤ ៦-៧ (៦-៨) ៧-៥ ។
ជ័យជម្នះដែលបានចំណាយពេលប្រកួត៣ម៉ោងនិង៣៨នាទីបានធ្វើឱ្យបុរសវ័យ៣៤ឆ្នាំ Rafael Nadal ក្លាយជាម្ចាស់ពានរង្វាន់ដីឥដ្ឋទី៦១ របស់គាត់ និងបានប្រកួតជាមួយគូប្រជែងដែលបានឈ្នះពាន Masters របស់គាត់នៅ Monte Carlo កាលពីសប្តាហ៍មុន។
Rafael Nadal ដែលទើបតែចាញ់មួយសិតប៉ុណ្ណោះក្នុងវគ្គ១១នាក់ចុងក្រោយនៅអេស្ប៉ាញបាននិយាយថា “ការឈ្នះពានរង្វាន់នៅទីនេះមានន័យច្រើនណាស់។ ខ្ញុំបានបង្កើនកម្រិតលេងរបស់ខ្ញុំហើយនេះគឺជាជោគជ័យដ៏សំខាន់សម្រាប់ខ្ញុំ”។
ការឈានទៅវគ្គផ្តាច់ព្រ័ត្រដ៏គួរឱ្យរំភើបបានធ្វើឱ្យ Rafael Nadal នាំមុខ ៤-២ បន្ទាប់មកជួយសន្សំពិន្ទុចំនួន២លើក ដើម្បីផ្តល់កំហុសទ្វេដងទៅTsitsipas ក្នុងការយកឈ្នះ។ សិតទី៣ត្រូវបានគ្រប់គ្រងរហូតដល់ ៤-៥ ពេល Rafael Nadal ធ្វើបានល្អហើយនៅទីបំផុតកីឡាករអេស្ប៉ាញរូបនេះបានបង្ហាញភាពស្វិតស្វាញជាងមុន ។
ទន្ទឹមនឹងនេះដែរនៅក្នុងវគ្គផ្តាច់ព្រ័ត្រនៃទីលានដីឥដ្ឋ Belgrade Clay Court កីឡាករ Matteo Berrettini របស់អ៊ីតាលីបានឈ្នះពានរង្វាន់អាជីពជាលើកទី៤របស់គាត់។ កីឡាករលំដាប់លេខ១០ពិភពលោករូបនេះបានយកឈ្នះកីឡាករ Aslan Karatsev របស់រុស្ស៊ីដែលបានធ្វើឱ្យកីឡាករ Novak Djokovic ភ្ញាក់ផ្អើលក្នុងវគ្គពាក់កណ្តាលផ្តាច់ព្រ័ត្រដោយលទ្ធផល ៦-១ ៣-៦ ៧-៦ (៧-០) ៕ដោយ៖ ភារៈ
