កីឡាករវាយតឺន្នីសលំដាប់ពិភពលោក Andy Murray បានចាប់ឆ្នោតគូជាលើកទី២នៅក្នុងកម្មវិធី Italian Open ខណៈដែលកីឡាករអង់គ្លេស និងមិត្តរួមជាតិរបស់គេគឺ Liam Broady ត្រូវបានប្តូរចូលជំនួសជាមួយគាត់។

សារព័ត៌មាន BBC Sport បានផ្សាយថា Murray មិនបានប្រកួតប្រជែងនៅម្នាក់ឯងទេ ប៉ុន្តែបាននៅទីក្រុងរ៉ូមដើម្បីហ្វឹកហាត់ដើម្បីប្រកួតជាមួយនឹងកីឡាករកំពូលៗរួមទាំង Novak Djokovic ជាដើម។

កីឡាករ Scot Murray អាយុ៣៣ឆ្នាំ និង Broady អាយុ២៧ឆ្នាំនឹងត្រូវជួបជាមួយកីឡាករអូស្ត្រាលី Max Purcell និង Luke Saville នៅជុំទី១ ។ក្នុងវិញ្ញាសាឯកត្តជនវិញ កីឡាករអង់គ្លេស Cameron Norrie បានយកឈ្នះកីឡាករអេស្ប៉ាញ Roberto Carballes Baena ក្នុងលទ្ធផល ៦-៤ និង ៦-៤ ដើម្បីឈានដល់ជុំទី២ កាលពីម្សិលមិញ។

ចំណែកផ្នែកនារីវិញ កីឡាការិនី Johanna Konta លេខ១របស់អង់គ្លេសបានចាប់ផ្តើមយុទ្ធនាការរបស់នាងកាលពីថ្ងៃអង្គារនេះដើម្បីប្រឆាំងនឹងកីឡាការិនី Latvian Jelena Ostapenka ។

កីឡាករ Murray មិនបានលេងចាប់តាំងពីដើមខែមីនា ដោយបានដកខ្លួនចេញពីកម្មវិធី Miami Open ដោយមានបញ្ហារបួសក្រលៀន។ អតីតកីឡាករលេខ១ពិភពលោករូបនេះកំពុងសង្ឃឹមថានឹងទទួលបានការចាប់អារម្មណ៍ដើម្បីលេងការប្រកួតនៅទីក្រុងហ្សឺណែវ ឬលីយ៉ុងនៅសប្តាហ៍ក្រោយ។

កីឡាកររូបនេះបានឈានចូលវគ្គជម្រុះ French Open នៅសប្តាហ៍ក្រោយ ខណៈដែលគាត់មិនដឹងថាតើគាត់នឹងត្រូវបានផ្តល់ជូនសម្រាប់ការប្រកួត Grand Slam ដែលនឹងចាប់ផ្តើមនៅថ្ងៃទី៣០ ខែឧសភាឬយ៉ាងណា។

លោក Murray បាននិយាយថា សហព័ន្ធកីឡាវាយតឺន្នីសបារាំងចង់ឃើញលោកប្រកួតប្រជែងមុនពេលធ្វើការសម្រេចចិត្ត។ លោកបានរកឃើញខ្លួនឯងនូវឱកាសនៃការអនុវត្តការប្រកួតមុនការរំពឹងទុកបន្ទាប់ពីលោក និងកីឡាករ Broady បានប្រកួតស្មើគ្នានៅទីក្រុងរ៉ូមបន្ទាប់ពីការដកខ្លួនរបស់កីឡាករប៉ូឡូញ Hubert Hurkacz និង Felix Auger-Aliassime របស់ប្រទេសកាណាដា ៕ដោយ៖ ភារៈ