ភ្នំពេញ៖ ជនសង្ស័យម្នាក់ត្រូវកម្លាំងនគរបាលប៉ុស្តិ៍រដ្ឋបាលភ្នំពេញថ្មីឃាត់ខ្លួនបានករណីប៉ុនប៉ងលួចទ្រព្យសម្បត្តិនិងកាន់កាប់អាវុធគ្មានច្បាប់អនុញ្ញាត។ ការឃាត់ខ្លួនជនសង្ស័យរូវនេះកាលពីវេលាម៉ោង០៥និង៣០នាទី ថ្ងៃទី១៥ ខែឧសភា ឆ្នាំ២០២១ នៅចំណុច បន្ទប់មុខហាងនំបុ័ងបាយ័ន ផ្លូវ១០១៩ ភូមិពោងពាយ សង្កាត់ភ្នំពេញថ្មី ខណ្ឌសែនសុខ។
នគរបាលប្រាប់ថា ជនសង្ស័យ មានឈ្មោះ ចាប ម៉ាឡៃ ភេទប្រុស អាយុ២០ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ផ្លូវបេតុង ភូមិទ្រុងមាន់ សង្កាត់អូរបែកក្អម ខណ្ឌសែនសុខ(គ្មានសារធាតុញៀន)។
សមត្ថកិច្ចបានអោយដឹងថាជនសង្ស័យបានជិះម៉ូតូ០១គ្រឿងតាមផ្លូវ១០១៩ ស្ថិតក្នុងភូមិពោងពាយ សង្កាត់ភ្នំពេញថ្មី លុះមកដល់ចំណុចខាងលើរូបគេប្រុង ធ្វើសកម្មភាពប៉ុនប៉ងលួចទ្រព្យសម្បត្តិតាទីសាធារណៈ តែត្រូវសមត្ថកិច្ចល្បាតឃើញឃាត់ខ្លួនបានតែម្តង។ ក្រោយឆែកឆេរកឃើញសម្ភារបន្សល់ទុក ម៉ូតូរ០១គ្រឿង ម៉ាកហុងដារឌ្រីម សេ១២៥ ពណ៌ខ្មៅ ផលិតឆ្នាំ២០១៥ ពាក់ស្លាកលេខកំពុងស្ពឺ1F-4109 និងដាវចំនួន០១ដើមជា របស់ជនសង្ស័យ ។

បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី៕

ដោយ៖ ចន្ទ លីហ្សា