ខ្សែប្រយុទ្ធអន្តរជាតិប៊ែលហ្សិក Romelu Lukaku បានស៊ុតបាល់ចំនួន២គ្រាប់ឲក្រុមEverton
យកឈ្នះលើក្រុមតោខៀវChelseaក្នុងលទ្ធផល២-០ នៅក្នុងកម្មវិធីអង់គ្លេស FA Cupកាលពីយប់មិញ។
២គ្រាប់របស់អតីតកីឡាករតោខៀវនេះបានកើតឡើងនៅក្នុងនាទី៧៧ និង៨២ ធ្វើឲក្រុមEverton
បានឡើងទៅលេងវគ្គពាក់កណ្តាលផ្តាច់ព្រាត់។ ចំណែកក្រុមតោខៀវChelsea បាត់បង់ឱកាសនឹង
ទទួលបានពានរង្វាន់ហើយ ដោយធ្លាក់ចេញពី Champions League ដោយក្រុម Paris Saint-Germain
ហើយពួកគេមិនអាចឈរលំដាប់កំពូល៤ក្រុមនៅអង់គ្លេស Premier Leagueផង។
នៅក្នុងការប្រកួតនោះ ខ្សែប្រយុទ្ធអេស្ប៉ាញDiego Costa បានទទួលកាតក្រហម ដោយខាំករបស់កីឡាករ
Gareth Barryនៅនាទី៨៤ ហើយកីឡាករអង់គ្លេសGareth Barryក៏បានទទួលកាត ក្រហមដែរនៅនាទី៨៧។