ភ្នំពេញ៖ រថយន្តកាមរីស៊េរីចាស់មួយគ្រឿងបេីកឆ្លងផ្លូវដែកមិនប្រយ័ត្នត្រូវរថភ្លេីងបុកបណ្តាលឱ្យរងការខូចខាតយ៉ាងដំណំ តែសំណាងដែរដែលមិនមានមនុស្សរងរបួស ។
ហេតុការណ៍នេះបង្កការភ្ញាក់ផ្អើលកាលពីវេលាម៉ោង២និង៣៥នាទីរសៀល ថ្ងៃទី២៨ ខែឧសភា ឆ្នាំ២០២១ ស្ថិតនៅតាមបណ្តោយផ្លូវបេតុង ក្នុងភូមិសាមគ្គី ក្នុងសង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
តាមប្រភព័ត៌មាននៅកន្លែងកើតហេតុបានឱ្យដឹងថាមុនពេលកើតហេតុគេបានឃើញរថយន្តកាមរីស៊េរីចាស់ ពណ៌ស ពាក់ស្លាកលេខ ឆ ៥៨៣២ ភព២ បានបើកពីកើតទៅលិច ខណៈមកដល់ចំណុចកេីតហេតុក៏បានបើកឆ្លងកាត់ផ្លូវដែកមិនប្រយ័ត្នស្របពេលចរាចរណ៍កំពុងកកស្ទះស្រាប់តែរថភ្លើង បេីកមកដល់ក៏ជ្រុលទៅបុកពេញទំហឹងតែម្តងបណ្តាលឱ្យរថយន្តរងការខូចខាតផ្នែកខាងក្រោយ តែសំណាងល្អមិនមានមនុស្សរងរបួស។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់ទីតាំងកើតហេតុ ដោយភាគីទាំងសងខាងមិនចង់វែងឆ្ងាយទើបសម្រេចបញ្ចប់រឿងនៅកន្លែងកើតហេតុដោយគ្មានសំណង និងជួសជុលរៀងៗខ្លួន៕
ដោយ៖ សុខាសែនជ័យ
