ភ្នំពេញ៖ ជនសង្ស័យម្នាក់ត្រូវ នគរបាលខណ្ឌឬស្សីកែវឃាត់ខ្លួន ជាក់ស្តែងករណីលួចមានស្ថានទម្ងន់ទោស (ឆក់ទូរស័ព្ទដៃ) នៅថ្ងៃទី ២៩ ខែឧសភា ឆ្នាំ ២០២១ វេលាម៉ោង ២២ និង ០០នាទីយប់ នៅចំណុចផ្លូវបេតុង ក្រុុមទី ១១ ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។
– ជនរងគ្រោះ ឈ្មោះ ចាន់ ភារម្យ ភេទប្រុស អាយុ ៣៥ឆ្នាំ មុខរបរ នេសាទ មានទីលំនៅ ផ្ទះជួល ផ្លូវបេតុង ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ ។
– ជនសង្ស័យទី១ ឈ្មោះ សេង វិរះ ភេទប្រុស អាយុ ១៨ឆ្នាំ មុខរបរ គ្មាន មានទីលំនៅ ផ្ទះជួល ផ្លូវបេតុង ភូមិស្ពានខ្ពស់ សង្កាត់គីឡូម៉ែត្រលេខ ៦ ខណ្ឌឫស្សីកែវ (ឃាត់ខ្លួន ប្រេីប្រាស់ សារធាតុញៀន)។ សំភារៈដកហូតរួមមាន
១ ម៉ូតូមួយគ្រឿង ម៉ាក HONDA DREAM ពណ៍ខ្មៅ ស៊េរី ២០២១៥ ពាក់ស្លាក់លេខ ភ្នំពេញ ១FA-៧២៩១ លេខតួ +លេខម៉ាស៊ីន ៩៣២៨១៣១។ សំភារៈ បាត់បង់មានទូរស័ព្ទដៃមួយគ្រឿង ម៉ាក Oppo A3S ពណ៍ក្រហម លេខ ០៧០៦៩៥៥២៦។ លោក វរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវបានប្រាប់ឲ្យដឹងទៀតថា នៅថ្ងៃកេីតហេតុ ខាងលេី ជនរងគ្រោះ បានហៅកង់បីឥណ្ឌាជិះចេញពីផ្ទះជួលទៅមេីលម្តាយឈឺនៅគីឡូម៉ែត្រលេខ៧ ពេលជិះមកដល់ចំណុចកេីតហេតុ ស្រាប់តែមានជនសង្ស័យ០២នាក់ជិះម៉ូតូមួយគ្រឿងឃេីញជនរងគ្រោះកំពុងចុចទូរស័ព្ទ ក៏ធ្វេីសកម្មភាពឆក់យកទូរស័ព្ទពីជនរងគ្រោះបានសម្រេច តែទាក់ដៃចង្កូតក៏ដួលម៉ូតូនៅនឹងកន្លែងកេីតហេតុរួចរត់គេចខ្លួនស្របពេលកម្លាំងសមត្ថកិច្ចល្បាតឃេីញចុះអន្តរាគមន៍ឃាត់បានជនសង្ស័យម្នាក់នាំមកកា ន់ប៉ុស្តិ៍ឫស្សីកែវ ដើម្បីសាកសួរនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តតានីតិវិធី៕ដោយ៖ជីណា
