Rubin Colwill ជាកីឡាករវ័យក្មេងដែលកំពុងលេងក្នុងក្រុម Cardiff City គឺបានដាក់បញ្ចូលដ៏គួរឱ្យភ្ញាក់ផ្អើលនៅក្នុងក្រុមជម្រើសជាតិវែលក្នុងចំណោមសមាជិកចំនួន២៦នាក់សម្រាប់ព្រឹត្តិការណ៍យូរ៉ូឆ្នាំ ២០២០ ។ នេះបើយោងតាមការចេញផ្សាយរបស់ BBC Sport ។

ខ្សែបម្រើប្រយុទ្ធ Colwill ដែលទើបតែបង្ហាញខ្លួនជាលើកដំបូងនៅក្រុម Cardiff កាលពីខែកុម្ភៈគឺជាផ្នែកមួយនៃក្រុមបណ្តុះបណ្តាលរបស់វែលដែលត្រៀមខ្លួនសម្រាប់ការប្រកួតផ្តាច់ព្រ័ត្រ។ កីឡាករវ័យ១៩ឆ្នាំរូបនេះត្រូវបានគេជ្រើសរើសនាំមុខដោយកីឡាករខ្សែប្រយុទ្ធ Tom Lawrence, Rabbi Matondo និង Brennan Johnson ។

លោក Robert Page អ្នកគ្រប់គ្រងក្រុមវែលបាននិយាយអំពី Colwill ថា“គាត់ជាដង្ហើមខ្យល់ចាប់តាំងពីគាត់បានចូលមក។ គាត់ពិតជាមានការចាប់អារម្មណ៍ចំពោះខ្ញុំ គាត់មានវត្តមាន គាត់មានអ្វីដែលយើងមិនមាននៅពេលខាងមុខ។ គាត់អាចលេងនៅខាងស្តាំ លេងជាកីឡាករ១០នាក់ហើយគាត់អាចលេងនៅតំបន់កណ្តាល ដូច្នេះនោះគឺជាប្រាក់រង្វាន់នៅពេលដែលយើងកំពុងស្វែងរកជ្រើសរើសក្រុម”។

ក្រុមវែលចាប់ផ្តើមយុទ្ធនាការយូរ៉ូ២០២០ របស់ពួកគេដោយប៉ះនឹងក្រុមស្វីសនៅថ្ងៃទី១២ ខែមិថុនាហើយក៏ត្រូវប្រឈមមុខជាមួយក្រុមទួរគី និងអុីតាលីផងដែរ។ ប្រធានក្រុមកីឡាករ Gareth Bale គឺជាកីឡាករដ៏សំខាន់នៅក្នុងក្រុមដែលនឹងត្រូវលេងក្រោយអវត្តមានរបស់លោក Ryan Giggs ។

Bale ដែលបានចំណាយពេលនៅរដូវកាលនេះក្នុងការខ្ចីជើងពី Tottenham ពី Real Madrid គឺជាតារាម្នាក់របស់វែលនៅព្រឹត្តិការណ៍យូរ៉ូ (Euro 2016)នៅពេលប្រទេសនេះបានឈានដល់វគ្គពាក់កណ្តាលផ្តាច់ព្រ័ត្រនៅបារាំង។

ខាងក្រោមនេះគឺជាបញ្ជីឈ្មោះកីឡាករទាំង២៦នាក់របស់ក្រុមជម្រើសជាតិវែលក្នុងព្រឹត្តិការណ៍យូរ៉ូ៖

អ្នកចាំទី៖ Wayne Hennessey (Crystal Palace), Danny Ward (Leicester City), Adam Davies (Stoke City).

ខ្សែការពារ៖ Chris Gunter (Charlton Athletic), Ben Davies (Tottenham Hotspur), Connor Roberts (Swansea City), Ethan Ampadu (Chelsea), Chris Mepham (AFC Bournemouth), Joe Rodon (Tottenham Hotspur), James Lawrence (St Pauli), NecoWilliams (Liverpool), Rhys Norrington-Davies (Sheffield United), Ben Cabango (Swansea City).

ខ្សែបម្រើ៖ Aaron Ramsey (Juventus), Joe Allen (Stoke City), Jonny Williams (Cardiff City, Harry Wilson (Liverpool), Daniel James (Manchester United), David Brooks (AFC Bournemouth), Joe Morrell (Luton Town), Matt Smith (Manchester City), Dylan Levitt (Manchester United), Rubin Colwill (Cardiff City).

ខ្សែប្រយុទ្ធ៖ Gareth Bale (Real Madrid), Kieffer Moore (Cardiff City), Tyler Roberts (Leeds United) ៕

 

ដោយ ៖ ភារៈ