ខេត្តកំពង់ឆ្នាំង ៖ មនុស្ស២នាក់បានរងរបួសធ្ងន់និងស្រាល ក្នុងឧប្បត្តិហេតុគ្រោះថ្នា់ក់ចរាចរណ៍មួយដែលបង្ករឡើងដោយរថយន្ត២គ្រឿងបុកគ្នា នៅក្រុងកំពង់ឆ្នាំង ហេតុការណ៍នេះបានកើតឡើងវេលាម៉ោង ១ និង ៣០ នាទីយប់ថ្ងៃទី១២ ខែមិថុនា ឆ្នាំ២០២១ នៅលើផ្លូវជាតិលេខ ៥ ចន្លោះបង្គោលគីឡូម៉ែត្រ 86 និង 87 ត្រង់ចំណុចមុខសួនឆ្នាំងមាស ស្ថិតនៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ។
សមត្ថកិច្ចបានឱ្យដឹងថា គ្រោះថ្នាក់ចរាចរណ៍នេះកើតឡើង ជនរងគ្រោះក្នុងឧប្បត្តិហេតុនេះ ម្នាក់ឈ្មោះ គង់ សុជាតិ ភេទប្រុស អាយុ៣៩ឆ្នាំមានទីលំនៅបច្ចុប្បន្ននៅភូមិបំប៉ិត ឃុំអន្លង់ត្នោត ស្រុកក្រគរ ខេត្តពោធិ៍សាត់ រងរបួសធ្ងន់ ម្ចាស់រថយន្តលិចស៊ីសនិងម្នាក់ទៀត ឈ្មោះ ឆៃ ឈុំ ភេទប្រុស អាយុ២៧ មុខរបរបើកបរ រស់នៅបច្ចុប្បន្នភូមិកំពង់បាស្រូវ ឃុំជលសា ស្រុកជលគិរី ខេត្តកំពង់ឆ្នាំង ។
សមត្ថកិច្ចបានឱ្យដឹងថា នៅមុនពេលកើតហេតុ មានរថយន្តមួយគ្រឿងម៉ាកតូយូតា លិចស៊ីស330 ពណ៌ស គ្មានពាក់ផ្លាកលេខ បើកបរក្នុងល្បឿនលឿនក្នុងទិសដៅពីត្បូងទៅជើងនៅពេលមដល់ចំណុចកើតហេតុ ក៏បានរេចង្កូត ទៅបុករថយន្តមួយគ្រឿងម៉ាកហ៊ីយ៉ាន់ដាយពណ៌ស ពាក់ផ្លាកលេខ ភ្នំពេញ ៣C.១០៥៩ បើកបរច្រាស់ទិសគ្នាពេញមួយទំហឹង ។បណ្តាលឱ្យរងរបួសអ្នកបើកបរធ្ងន់និងស្រាលនិងក្រឡាប់រថយន្ត។ ក្រោយពេលកើតហេតុជនរងគ្រោះត្រូវបានដឹកយកមកសង្រ្គោះទៅមន្ទីរពេទ្យខេត្ត ចំណែកមធ្យោបាយបង្ករ ត្រូវយកទៅរក្សាទុកនៅការិយាល័យចរាចរណ៍ផ្លូវគោក ដើម្បីកសាងសំណុំរឿងតាមនីតិវិធី៕

ដោយ៖ ចន្ថា