ភ្នំពេញ​៖ ជនសង្ស័យចំនួន២នាក់ត្រូវបាននគរបាលឃាត់ខ្លួនបន្ទាប់ពីឆែកឆេររកឃើញថ្នាំញៀន១កញ្ចប់នៅក្នុងខ្លួន។

ហេតុការណ៍នេះបានកើតឡើងកាលពីវេលាម៉ោង ២០ និង៣០នាទីថ្ងៃទី ១៥ខែមិនាឆ្នាំ ២០១៦ ត្រង់ចំណុចភូមិបាយ៉ាប តាមបណ្ដោយផ្លូវ ១០០៣ ស្ថិតក្នុងសង្កាត់ភ្នំពេញថ្មី ខណ្ឌសែនសុខ ។

ជនសង្ស័យទាំង២នាក់ទី១មានឈ្មោះ ខេង វណ្ណះ អាយុ២១ឆ្នាំ មុខរបរជាងផ្សារដែក ស្នាក់នៅភូមិអំពិល សង្កាត់ឃ្មួញ ខណ្ឌសែនសុខ មានស្រុកកំណើតក្នុងភូមិ ព្រែកក្រពើ ឃុំក្រាំងស្វាយ ស្រុកក្រាំងស្វាយ ខេត្តកណ្ដាល និងទី២ឈ្មោះ ភូ វិសាល អាយុ២០ឆ្នាំ មុខរបរអ្នកបើកឡាន ស្នាក់នៅជាមួយគ្នា មានស្រុកកំណើតក្នុងភូមិសែនសុខ៧ សង្កាត់ឃ្មួញ ខណ្ឌសែនសុខ ។

តាមប្រភពព័ត៌មានពីកម្លាំងអន្តរាគមន៍ខណ្ឌសែនសុខបានឲ្យដឹងថា មុនពេលកើតហេតុ កងកម្លាំងខាងលើបានចុះល្បាតតាមមូលដ្ឋានដើម្បីការពារសន្តិសុខជូនពលរដ្ឋភ្លាមនោះក៏ប្រទះជនសង្ស័យពីនាក់ជិះម៉ូតូមួយគ្រឿងម៉ាកស្កូពីមីនីគ្មានស្លាកលេខពណ៌ក្រហមជិះក្នុងទិសដៅច្រាស់ទិសគ្នាក៏មានការសង្ស័យហើយបានឃាត់ដើម្បីឆែកឆេរពេលនោះក៏បានរកឃើញថ្នាំញៀន១កញ្ចប់តូចនៅក្នុងខ្លួនជនសង្ស័យម្នាក់ក្នុងចំណោម២នាក់ពេលនោះជនសង្ស័យបានប្រាប់ថាមានគេឲ្យរូបគេ។

ក្រោយពីរការឆែកឆេររកឃើញថ្នាំញៀននៅលើខ្លួនជនទាំង២នាក់ហើយកងកម្លាំងអន្តរាគមន៍ខណ្ឌសែនសុខបាននាំខ្លួនអ្នកទាំង២ទៅកាន់ប៉ុស្ដិ៍នគរបាលរដ្ឋាបាលភ្នំពេញថ្មីដើម្បីធ្វើការសាកសួរនិងកសាងសំណុំរឿងបញ្ជូនទៅអធិការដ្ឋានខណ្ឌសែនសុខដើម្បីដោះស្រាយតាមនីតិវិធី ៕

ដោយ៖ សុខាសែនជ័យ