ភ្នំពេញ៖ បុរសម្នាក់ ត្រូវបានប្រជាពលរដ្ឋដែល ដាំបន្លែ នៅច្រាំងទន្លេប្រទះឃើញ អណ្តែតទឹក ទន្លេសាបនិងចេះតែរសាត់តាមខ្យល់ទៅទើនឹងកំប្លោក នៅមាត់ច្រាំទន្លេ ហើយក៍បានរាយការណ៍ ទៅនគរបាលមូលដ្ឋាន ចាត់ចែងនាំគ្នា អូសឡើងច្រាំងដើម្បី ត្រួតពិនិត្យ ស្រាប់តែ ធ្វើតេស្ត រកឃើញ វិជ្ជមានកូវីដ១៩។
ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោងប្រមាណ៩ព្រឹកថ្ងៃទី១៦ខែ មិថុនា ឆ្នាំ ២០២១នៅច្រាំងទន្លេសាប ក្នុងភូមិព្រែក តាសេក សង្កាត់ព្រែកតាសេក ខណ្ឌជ្រោយចង្វាររាជធានីភ្នំពេញ។
សពបុរសរូបនោះ ត្រូវបាននគរបាលអោយដឹងថា ឈ្មោះនៅ វ៉ាន់ធិន អាយុ៣៩ឆ្នាំ ក្នុងចំណោមកូនភ្លោះបីនាក់មុខរត់ម៉ូតូកង់៣ដឹកអីវ៉ាន់តាមអនឡាញ មានលំនៅភូមិ តំណាក់ធំ សង្កាត់ស្ទឹងមានជ័យ ខណ្ឌមានជ័យ។
តាមព័ត៌មានអោយដឹងថា កាលពីវេលាម៉ោងប្រមាណ១១យប់ថ្ងៃទី១៤ ខែ មិថុនា គេឃើញ បុរសម្នាក់ ដែល មានភិនភាគស្លៀកពាក់ខោអាវ ដូចគ្នា នឹងសពបុរសនេះបានបីកូនប្រុសអាយុប្រមាណ៣ឆ្នាំចុះពីលើកង់៣ ប្រុងលោតទឹកស្លាប់ខ្លួន តែ មិនបានសម្រេច ដោយអ្នកដំណើរបានរាយការទៅសមត្ថកិច្ចឃាត់ទាន់។ភ្លាមៗ នេះ បុរសរូបនោះ ក៍បានធ្វើដំណើរ ទៅបាត់ទៅ តែ គេពុំដឹងថា បុររូបនោះ បានលោតទឹកសម្លាប់ខ្លួន តាំងពីពេលណានោះទេ ស្រាប់តែនៅព្រឹកថ្ងៃទី១៦ខែ មិថុនាមានប្រជាពលរដ្ឋ ដែលរស់នៅតាមមាត់ទន្លេ ក៍បានប្រទះឃើញសពអណ្តែតទឹក ដោយមានភិនភាគដូចបុរសដែលគិតខ្លីខាងលើនោះ ។ ទោះបីជាយ៉ាងណា គេពុំដឹងថា បុរសនោះមានវិបត្តិ អ្វីឡើយ ។
នៅព្រឹកនោះ គេឃើញ ក្រុមគ្រួសារក៍បានចុះទៅកន្លែងកើតហេតុ ផងដែរ ។សពត្រូវបាននគរបាលចាត់ចែងអូស ឡើងច្រាំងដើម្បី ត្រួតពិនិត្យ ។
តាម បងស្រី បានអោយដឹងថា កាលពី៣ថ្ងៃមុនប្អូនប្រុស មិនដឹងមានវិបត្តិអ្វីទេ អោយតែ មកពីរត់ម៉ូតូកង់៣គិតតែពីអង្គុយផឹក មិននឹកស្មានថា មកលោតទឹកសម្លាប់ខ្លួន បែបនេះ ។
តាមព័ត៌មានអោយដឹងថា បន្ទាប់ ពីត្រូតពិនិត្យ ក្រុមគ្រូពេទ្យ បានធ្វើតេស្តរកឃើញ វិជ្ជមានកូវីដ១៩ ហើយ រងចាំ រថយន្តក្រុមគ្រូពេទ្យ មកដឹកទៅបូជាតាមប្រពៃណី ទើបប្រគល់ធាតុអោយក្រុមគ្រួសារ៕
ដោយ៖ រ៉ារ៉ា
