ប្រទេសជាច្រើននៅជុំវិញពិភពលោក កំពុងប្រជែងគ្នាសាងសង់អគារខ្ពស់កប់ពពកអាចមើលទេសភាពបានយ៉ាងល្អ ដូចជាស្ថិតនៅលើអាកាសអ៊ីគចឹង។ អគារ ខ្ពស់ៗគឺជាតំណាងនៃភាពរីកចម្រើនលើវិស័យសេដ្ឋកិច្ចរបស់ប្រទេសនីមួយៗ ។
មន្ដ្រីអារ៉ាប៊ីសាអ៊ូឌីតបានចុះហត្ថលេខា ផ្ដល់ជំនួយក្នុងការសាងសង់អគារខ្ពស់ ជាងគេបំផុតលើពិភពលោកមានឈ្មោះថា Kingdom ដែលមានកម្ពស់រហូត ដល់ទៅ១.០០០ម៉ែត្រនឹងក្លាយជាអគារខ្ពស់ជាងគេបំផុតនៅលើផែនដី ។
ក្រុមហ៊ុនរដ្ឋ Jeddah បានទទួលការ សាងសង់អគារខាងលើ។ កម្ពស់នៃអគារ Kingdom Tower មានរហូតដល់ទៅ ៩៩៩.៧ម៉ែត្រខ្ពស់ជាងអគារដែលធ្លាប់បំបែកឯតទគុកម្មពិភពលោកពីកម្ពស់ នាពេលបច្ចុប្បន្នគឺអគារ Buji Khalifa នៅទីក្រុងឌូបៃ ។
ជាមួយនឹងអគារថ្មីខាងលើនឹងដណ្ដើម តំណែងអគារខ្ពស់បំផុតលើពិភពលោកនាពេលបច្ចុប្បន្ន Buji Khalifa ។ ក្រោយ សាងសង់រួចអគារនោះនឹងទាក់ទាញភ្ញៀវ ទេសចរជាច្រើនដែលចង់មើលឃើញ ទិដ្ឋភាពដ៏ស្រស់ស្អាតមើលឃើញពពក ហោះនៅពីក្រោមទៀតផង ៕ ម៉ែវ សាធី
