ខេត្តស្វាយរៀង៖ បុរសម្នាក់ស្លាប់និងម្នាក់ទៀតរងរបួសធ្ងន់ដោយសារករណីគ្រោះថ្នាក់ចរាចរណ៍ជិះម៉ូតូបុកបញ្ច្រាស់ទិសគ្នាយ៉ាងពេញទំហឹងបង្កការភ្ញាក់ផ្អើលដល់អ្នកភូមិនិងអ្នកធ្វើដំណើរ។

ហេតុការណ៏នេះបានកើតឡើងកាលពីវេលាម៉ោង៦និង៣០ព្រលប់ថ្ងៃទី ២៩ខែមិថុនាឆ្នាំ២០២១ ស្ថិតនៅលើផ្លូវជាតិ លេខ ៣១៦ ចំណុច ភូមិ​ ស្វាយតាយាន ឃុំ ស្វាយតាយាន ស្រុកកំពង់រោទិ៍ ខេត្ត​ស្វាយរៀង​។

សមត្ថកិច្ចនគរបាលស្រុកបានអោយដឹងថាបុរសដែលស្លាប់មានឈ្មោះ ចាប វាសនា  អាយុ​ ២២ ឆ្នាំ​មុខ​របប​កម្មកររស់នៅភូមិ កណ្តាល ឃុំ ធ្លក ស្រុក ស្វាយជ្រុំ ខេត្តស្វាយរៀង ជិះម៉ូតូម៉ាកហុងដាC១២៥ ស៊េរីឆ្នាំ ២០១២  ពាក់ស្លាកកលេខ កំពត ១E ៧៧៩១ខូចខាតយ៉ាងដំណំ។

ចំណែកអ្នករងរបួសធ្ងន់មានឈ្មោះ សេក សែម អាយុ ១៨  ឆ្នាំ មុខ​របប កម្មករ  រស់នៅភូមិ ថ្មី ឃុំខ្សែត្រ ស្រុក កំពង់រោទិ៍។

បើតាមសាក្សីបានអោយដឹងថាមុនកើតហេតុមានបុរសម្នាក់បានជិះម៉ូតូមួយគ្រឿងម៉ាកហុងដាC១២៥ ស៊េរី ឆ្នាំ ២០១៣ ពណ៏ ខ្មៅ  ពាក់ស្លាកលេខ ស្វាយរៀង ១D ២៧៥៤ ធ្វើដំណើរក្នុងទិសដៅពីជើងទៅត្បូងលើផ្លូវជាតិ លេខ៣១៦ ខណ:នោះស្រាប់តែបុកជាមួយម៉ូតូម៉ាកហុងដាC១២៥ ស៊េរីឆ្នាំ ២០១២  ពាក់ស្លាកកលេខ កំពត ១E ៧៧៩១ក្នុងទិសដៅបញ្ច្រាស់គ្នាយ៉ាងពេញទំហឹងបង្កការភ្ញាក់ផ្អើលតែម្ដង។

ក្រោយកើតហេតុសមត្ថកិច្ចបានមកដល់ធ្វើការវាស់វែងនិងយកជនរងគ្រោះមកកាន់មន្ទីពេទ្យបង្អែកខេត្តស្វាយរៀងនិងបានប្រគល់សពអោយក្រុមគ្រួសារយកធ្វើបុណ្យតាមប្រពៃណីនិងអូសយក វត្តុតាងម៉ូតូទាំងពីរ គ្រឿងមករក្សាទុកនៅប៉ុស្តិ៍រដ្ឋបាលដើម្បីដោះស្រាយពេលក្រោយតាមច្បាប់៕

ដោយ៖ យឹម សុថាន