ភ្នំពេញ ៖ អនុសាខាកាកបាទក្រហមខណ្ឌចំការមននាំយកអំណោយសង្គ្រោះបន្ទាន់ចែកជូនប្រជាពលរដ្ឋរងគ្រោះដោយសារអគ្គិភ័យឆេះផ្ទះសម្បែង។
អំណោយរបស់អនុសាខាកាកបាទក្រហមត្រូវបាននាំយកចែកជូនជនរងគ្រោះតាមរយ:លោកថេង សុថុលប្រធានអនុសាខាកាកបាទក្រហមនិងជាអភិបាលខណ្ឌចំការមន
ចែកជូនដល់ពលរដ្ឋចំនួន១៥គ្រួសារដែលរងគ្រោះដោយសារអគ្គីភ័យឆេះផ្ទះសម្បែងស្ថិតនៅភូមិ៤សង្កាត់ផ្សារដេីមថ្កូវ ខណ្ឌចំការមន នៅព្រឹកថ្ងៃទី០១ កក្កដានេះ។
លោក ថេង សុថុល ក្នុងឱកាសចែកអំណោយបានចូលរួមសម្តែងនូវការសោកស្តាយជាមួយប្រជាពរដ្ឋដែលរងគ្រោះដោយសារអគ្គីភ័យ និងបាននាំយកការផ្តាំសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហម ដែលតែងតែជួយឈឺឆ្អាលនិងជួយសំរាលទុក្ខលំបាកប្រជាពលរដ្ឋដែលកំពុងរងគ្រោះថ្នាក់ផ្សេងៗ លោកថេង សុថុលបានបញ្ជាក់ជូនប្រជាពលរដ្ឋអំពីការខិតខំជួយសង្គ្រោះរបស់កម្លាំងអាជ្ញាធរមូលដ្ឋាននៅពេលដែលមានអគ្គីភ័យកេីតឡេីងភ្លាមៗផងដែរ តែដោយសារស្ថានភាពផ្លូវតូចចង្អៀតដែលមិនអាចអោយរថយន្តពន្លត់បានចូលដល់ទីតាំងទេីបធ្វេីអោយមានការឆេះរាលដាលដួច្នេះ។
ជាមួយគ្នានោះលោក ថេង សុថុលក៏បានអំពាវនាវដល់ប្រជាពលរដ្ឋប្រសិនបេីមានការខ្វះខាតស្បៀងត្រូវទាក់ទងមកតាមប្រធានភូមិ រឺចៅសង្កាត់ដេីម្បីបានជួយសង្គ្រោះបន្ថែមទៀត។ លោកអភិបាលខណ្ឌចការមនក៏បានប្រាប់ទៅអាជ្ញាធរមូលដ្ឋានត្រូវជួយសំរួលឯកសារអត្រានុកូលដ្ឋាននិងឯកសារផ្សេងៗដែលត្រូវភ្លេីងឆេះដល់ប្រជពលរដ្ឋទាំង១៥គ្រួសារផងដែរ។
គួរបញ្ជាក់ថាកាលពីរសៀលម៉ោង១៧:១០នាទីល្ងាចមានករណីអគ្គីភ័យកេីតឡេីងនៅចំនុចផ្លូវលេខ១០៥ភូមិ៤សង្កាត់ផ្សារដេីមថ្កូវខណ្ឌចំការមនតំបន់មិនរៀបរយដែលត្រូវជនវិកលចរិកម្នាក់លួចដុតបណ្តាលអោយខូចខាតផ្ទះ១ខ្នង និង៦បន្ទប់ ។
ភ្លាមៗក្នុងប្រតិបត្តិការពន្លត់អគ្គីភ័យខាងលើនេះ អាជ្ញាធរបានប្រេីប្រាស់រថយន្តបង្ការ និងពន្លត់អគ្គីភ័យចំនួន ១៩ គ្រឿងក្នុងនោះរួមមាន៖ការិយាល័យបង្ការ និងពន្លត់អគ្គីភ័យ នៃស្នងការនគរបាលរាជធានីភ្នំពេញ ចំនួន ០៥ គ្រឿងក្រសួងមហាផ្ទៃ ចំនួន ០១គ្រឿង
ហើយប្រើប្រាស់ទឹកអស់ចំនួន ០៣ឡាន។
របាយការណ៍សរុបសភាពការណ៍និងលទ្ធផលកិច្ចសហប្រតិបត្តិការប្រចាំឆមាសទី១ ឆ្នាំ២០២១ របស់អគ្គស្នងការនគរបាលជាតិបានអោយដឹងថាមានហេតុការណ៍អគ្គិភ័យកើតឡើង ៤០៥/៦៩១លើក ថយ ២៨៦លើក ស្លាប់១០/១១នាក់ របួស៣០/២៨នាក់ ឆេះ តូប ៨៥តូប ឆេះផ្ទះ ៣២៣ខ្នង។ ហេតុការណ៍នេះ ត្រូវបានក្រុមពន្លត់អគ្គិភ័យចេញអន្តរាគមន៍ ទប់ស្កាត់ការ ឆេះរាលដាលបាន២២៩លើក ស្របពេល១៧៦លើកទៀត ត្រូវបានអាជ្ញាធរមូលដ្ឋាន និងប្រជាពលរដ្ឋសហ ការគ្នាពន្លត់អគ្គិភ័យបឋមបានទាន់ពេលវេលា៕
ដោយ៖ ជីណា
