ការចាកចេញរបស់លោក Carlo Ancelotti ពីកីឡដ្ឋាន Goodison Park បានធ្វើឱ្យខ្សែប្រយុទ្ធ James Rodriguez ស្ថិតក្នុងស្ថានភាពពិបាកជាងមុន ខណៈដែលខ្សែប្រយុទ្ធសញ្ជាតិកូឡុំប៊ីរូបនេះត្រូវបានគេរាយការណ៍ថានឹងចូលរួមជាមួយក្រុម AC Milan ក្នុងតម្លៃ១០លានអឺរ៉ូ។ នេះបើយោងតាមការចេញផ្សាយរបស់សារព័ត៌មានអេស្ប៉ាញ MARCA នៅព្រឹកថ្ងៃទី៣ កក្កដានេះ។

James បានចំណាយពេលតែមួយរដូវកាលជាមួយក្លិប Everton នៅ Premier League ហើយគាត់បានបង្ហាញពីគុណភាពលេងរបស់គាត់យ៉ាងល្អទោះបីជាអ្នកគាំទ្រមានការងឿងឆ្ងល់ចំពោះបញ្ហាសុខភាពជាច្រើនរបស់គាត់ដែលបានញាំញីក្នុងរដូវកាលមុនក៏ដោយ។

ការមកដល់របស់លោក Rafa Benitez មិនបានធ្វើឱ្យប្រសើរឡើងនូវឱកាសរបស់ James ក្នុងការស្នាក់នៅលើទឹកដី Merseyside ទេហើយកាសែតអុីតាលី Tuttosport បានរាយការណ៍ថា AC Milan នឹងចុះហត្ថលេខាយកកីឡាកររូបនេះក្នុងតម្លៃ១០លានអឺរ៉ូ។

តាមទស្សនៈរបស់ក្រុម AC Milan កីឡាករ James នឹងឃើញកីឡាកររូបនេះចូលមកជំនួសកីឡាករ Hakan Calhanoglu ខណៈដែលការមកដល់របស់គាត់ក៏ជួយពង្រឹងគុណភាពរបស់ពួកគេផងដែរមុនពេលត្រលប់មកក្របខ័ណ្ឌ Champions League ៕ដោយ៖ ភារៈ