ខេត្តស្វាយរៀង៖ បុរស២នាក់បានរងរបួសធ្ងន់ដោយសារករណីគ្រោះថ្នាក់ចរាចរណ៍ រវាងម៉ូតូនិងម៉ូតូសណ្ដោងរឺមក បញ្ច្រាស់គ្នាពេញទំហឹង បង្កការភ្ញាក់ផ្អើលដល់អ្នកភូមិនិងសមត្ថកិច្ចទាំងយប់។
ហេតុការណ៏នេះបានកើតឡើងកាលពីវេលាម៉ោង៧និង១០នាទីយប់ថ្ងៃទី៤ខែកក្កដាឆ្នាំ២០២១ត្រង់ ចំណុចភូមិម្រាមខាងជើង ឃុំម្រាម ស្រុករមាសហែក។
យោងតាមសមត្ថកិច្ចនគរបាលស្រុកបានឲ្យដឹងថា អ្នកបើកបង្កហេតុមានឈ្មោះយិន គា អាយុ៤៦ឆ្នាំរស់នៅភូមិម្រាមខាងត្បូង ឃុំម្រាម ស្រុករមាសហែក ជិះម៉ូតូសណ្តោងរ៉ឺម៉កម៉ាកហុងដាវ៉េវ ពណ៌ខ្មៅគ្មានស្លាកលេខ។
ចំណែកអ្នករងគ្រោះមានឈ្មោះ សុវ៉ាន់ បញ្ញា អាយុ១៨ឆ្នាំ រស់នៅភូមិម្រាមខាងជើង ឃុំម្រាម ស្រុរមាសហែក ជិះម៉ូតូម៉ាកហុងដាវ៉េវ ពណ៌ខ្មៅពាក់ផ្លាកលេខតាកែវ1D-៦១៤៧ខូចខាតយ៉ាងដំណំ។
តាមសាក្សីបានអោយដឹងថាមុនកើតហេតុមានម៉ូតូសណ្តោងរ៉ឺម៉កមួយគ្រឿង
ម៉ាកហយងដាវ៉េវ ពណ៌ខ្មៅគ្មានស្លាកលេខ បើកបរដោយបុរសម្នាក់ក្នុងទិសដៅពីជើងមកត្បូងមិនប្រកាន់ស្តាំស្រាប់តែទៅបុកនិងម៉ូតូមួយគ្រឿងម៉ាកហុងដាវ៉េវ ពណ៌ខ្មៅពាក់ផ្លាកលេខតាកែវ1D-៦១៤៧ក្នុងទិសដៅបញ្ច្រាស់គ្នាយ៉ាងពេញទំហឹង
បង្កការភ្ញាក់ផ្អើលដល់អ្នកភូមិនិងសមត្ថកិច្ចទាំងយប់។
ក្រោយកើតហេតុអ្នកភូមិរាយការណ៏មកសមត្ថកិច្ចមកអន្តរាគមន៏ដឹកមកព្យាបាលនៅមន្ទីពេទ្យខេត្តស្វាយរៀង និងធ្វើការវាស់វែងនិងអូសយកមធ្យោបាយធ្វើដំណើរទាំង២គ្រឿងមកប៉ុស្ត័រដ្ឋបាលដើម្បីដោះស្រាយពេលក្រោយតាមច្បាប់៕
ដោយ៖ យឹម សុថាន
