ភ្នំពេញ៖ បុរសម្នាក់បានខ្ទាតចេញពីម៉ូតូរងរបួសស្រាល ខណៈកំពុងជិះម៉ូតូសុខៗស្រាប់តែរថយន្តអាបែនធុនធំបុកពីក្រោយអូសចូលប្រឡាយទឹកស្អុយ បង្កការភ្ញាក់ផ្អេីលដល់ប្រជាលរដ្ឋនិងសមត្ថកិច្ចកាលពីវេលាម៉ោង៨ និង៣០នាទីយប់ ថ្ងៃទី១៦ ខែកក្កដា ឆ្នាំ២០២១ នៅតាមបណ្ដោយផ្លូវក្រវ៉ាត់ក្រុង៥០ម៉ែត្រ ក្នុងភូមិអន្លង់គងថ្មី សង្កាត់ព្រៃស ខណ្ឌដង្កោ ។
តាមសម្ដីបុរសម្នាក់ជាជនរងគ្រោះ មិនបានបញ្ចាក់ឈ្មោះ ប្រាប់ឲ្យដឹងថា មុនពេលកេីតហេតុរូបខ្លួនបានចេញពីធ្វេីការ រួចជិះម៉ូតូមួយគ្រឿងម៉ាក ហុងដាឌ្រីម ស៊េរី២០១៨ ត្រឡប់ទៅផ្ទះ ដោយធ្វេីដំណេីរតាមបណ្ដោយផ្លូវ៥០ម៉ែត្រ ទិសដៅពីត្បូងមកជេីង ខណៈមកដល់ចំណុចកេីតហេតុស្រាប់តែរថយន្តអាបែនធុនធំ មួយគ្រឿង ពណ៌សលាយខៀវ ចង្កូតស្ដាំ ពាក់ស្លាកលេខ SVR-0752 ធ្វេីដំណេីរយ៉ាងលឿនមកបុកពីក្រោយ បណ្ដាលឲ្យជនរងគ្រោះខ្ទាតចេញពីម៉ូតូរងរបួសស្រាល ចំណែកម៉ូតូត្រូវរថយន្តកិនអូសចូលប្រឡាយលិចបាត់។ ក្រោយកេីតហេតុភ្លាមៗ តៃកុងរថយន្តបង្កបានងេីបចេញពីរថយន្តទាំងស្ថានភាពស្រវឹង និងបានឈ្លោះប្រកែកគ្នាជាមួយជនរងគ្រោះនិងសមត្ថកិច្ច ទេីបសមត្ថកិច្ចមូលដ្ឋាននាំខ្លួនតៃកុងរថយន្តបង្ក និងហៅម្ចាស់ម៉ូតូទៅកាន់នគរបាលប៉ុស្ដិ៍រដ្ឋបាលព្រៃសរ ដេីម្បីដោះស្រាយគ្នា។ ក្រោយមកភាគីរថយន្តបង្កបានព្រមយកម៉ូតូជនរងគ្រោះជាកម្មសិទ្ធិរបស់ខ្លួន ហេីយព្រមប្រគល់លុយចំនួន២០០០$ឲ្យទៅភាគីខាងម៉ូតូដេីម្បីបញ្ចប់រឿង៕ ដោយ ៖ ភារ៉ា ដង្កោ
https://youtu.be/VA9LUsWOcsM
