ខេត្តមណ្ឌលគិរី ៖ នៅថ្ងៃទី ១៩ ខែកក្កដា ឆ្នាំ២០២១ វេលាម៉ោង ៤និង ៣០ នាទី កម្លាំងការិយាល័យជំនាញចុះបង្ក្រាបករណីជួញដូរដោយខុសច្បាប់នូវសារធាតុញៀន នៅចំណុចបន្ទប់ជួលមួយកន្លែងស្ថិតនៅភូមិទេសអន្លុង សង្កាត់បឹងកន្សែង ក្រុងបានលុង ខេត្តរតនគិរី ដោយបានឃាត់ខ្លួនជនសង្ស័យម្នាក់ និងបានឆែកឆេរចាប់យកវត្ថុតាងបានម្សៅក្រាមពណ៌សថ្លាសង្ស័យជាសារធាតុញៀនចំនួន២ថង់ ដោយមានការសម្របសម្រួលនីតិវិធីដោយលោក មុត សម្បត្តិ ព្រះរាជអាជ្ញារងអមសាលាដំបូងខេត្ត។
ជនសង្ស័យខាងលើមានឈ្មោះអ៊ុយ ស្រស់ ភេទប្រុស អាយុ៣៦ឆ្នាំ ជនជាតិខ្មែរ មានទីលំនៅបច្ចុប្បន្នភូមិកាឡែង ឃុំកាឡែង ស្រុកលំផាត់ខេត្តរតនគិរី ស្រុកកំណើតភូមិស្វាយមាស អំពិលពក ស្រុកអូររាំងឪ ខេត្តកំពុងចាម មុខរបរទិញលក់ត្បូង
សមត្ថកិច្ចបានបញ្ជាក់ថាវត្ថុតាងចាប់យរួមមាន÷
១•មេតំហ្វេតាមីនអាយ ចំនួន២ថង់ ទម្ងន់ ១៥.៨៧ ក្រាម
២•ម៉ូតូចំនួន០១គ្រឿង
៣•ទូស័ព្ទដៃចំនួន០១គ្រឿង
៤.ឧបករណ៍អេឡិចត្រូនិចសម្រាប់ផ្តាច់បារីមួយគ្រឿង
៥.ជញ្ជីងថ្លឹង១គ្រឿង
បច្ចុប្បន្នជនសង្ស័យរួមទាំងវត្ថុតាងបានឃាត់និងរក្សាទុកនៅការិយាល័យប្រឆាំងគ្រឿងញៀន ដើម្បីកសាងសំណុំរឿងបញ្ជូនទៅអយ្យការអមសាលាដំបូងខេត្តចាត់ការតាមនីតិវិធី៕

ដោយ៖  ស សម