ភ្នំពេញ៖ បុរសជាជនជាតិចិនម្នាក់បេីករថយន្តឡិចស៊ីសLX470ក្នុងល្បឿនលឿនមិនប្រយ័ត្នជ្រុលចង្កូតឡេីងសួនច្បារពុះចែកទ្រូងផ្លូវរួចបន្តទៅបុកបង្គោលស្លាកប៉ាណូមួយដេីមទៀតរងការខូចខាតនិងគាបរថយន្តជាប់ទៅមុខលែងរួច តែសំណាងដែរដែលមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង១០និង៣០នាទីយប់ថ្ងៃទី២២ ខែកក្កដា ឆ្នាំ២០២១ នៅចំណុចជញ្ជីងថ្លឹងឡានចាស់ តាមបណ្តោយផ្លូវលេខ២០០៤ ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តម៉ាកឡិចស៊ីសLX470 ពណ៌ខ្មៅ ពាក់ស្លាកលេខភ្នំពេញ2R -1288 បេីកបរដោយបុរសម្នាក់ធ្វេីដំណេីរតាមបណ្តោយផ្លូវលេខ២០០៤ពីលិចទៅកេីតក្នុងល្បឿនលឿនមិនប្រយ័ត្ន ខណៈមកដល់ចំណុចកេីតហេតុស្រាប់តែរេចង្កូតបុកឡេីងសួនច្បារពុះចែកទ្រូងផ្លូវ រួចបន្តទៅបុកបង្គោលស្លាកប៉ាណូមួយដេីមទៀតបណ្តាលឱ្យទ្រេត ចំណែករថយន្តគាបជាប់ទៅមុខលែងរួចនិងខូចខាតផ្នែកខាងមុខយ៉ាងដំណំ តែក្នុងហេតុការណ៍នេះមិនមានមនុស្សរងរបួសឡើយ។
ក្រោយកេីតហេតុម្ចាស់រថយន្តបានគេចចេញបាត់ដោយបន្សល់ទុករថយន្តនៅកន្លែងកេីតហេតុត្រូវបានសមត្ថកិច្ចជំនាញមកស្ទូចរថយន្តយកទៅរក្សាទុករង់ចាំដោះស្រាយពេលក្រោយ៕
ដោយ៖ សុខាសែនជ័យ
