ខេត្តស្វាយរៀង៖ បុរសម្នាក់បានស្លាប់នៅនឹងកន្លែងបន្ទាប់ពីជួបករណីគ្រោះថ្នាក់ចរាចរណ៍ជិះម៉ូតូប្រើប្រាស់ល្បឿនលឿនមិនប្រយ័ត្នបណ្ដាលឱ្យរេចង្កូតដួលបោកក្បាលនឹងថ្នល់បង្កការភ្ញាក់ផ្អើលដល់អ្នកភូមិទាំងយប់។
ហេតុការណ៍នេះបានកើតឡើងកាលពីវេលាម៉ោង៨និង២០នាទីយប់ថ្ងៃទី២៦ ខែកក្កដា ឆ្នាំ២០២១ លើផ្លូវលេខ៣៣៤ ត្រង់ចំណុចភូមិព្រៃម្នាស់ ឃុំសំឡី ស្រុកកំពង់រោទ៍ ខេត្តស្វាយរៀង។
តាមសមត្ថកិច្ចនគរបាលស្រុកបានឱ្យដឹងថា បុរសខាងលើមានឈ្មោះ ឆន ចាន់ណាក់ អាយុ៣៧ឆ្នាំ រស់ភូមិស្វាយ ឃុំ សំឡី ស្រុកកំពង់រោទ៍ ។
តាមអ្នកភូមិបានឱ្យដឹងថា មុនកើតហេតុគេឃើញបុរសរងគ្រោះខាងលើជិះម៉ូតូ ម៉ាកហុងដាឌ្រីម ពណ៌ខ្មៅ ផលិតឆ្នាំ២០១៣ ពាក់ស្លាកលេខបាត់ដំបង១O -៦០៥៧ ក្នុងទិសដៅពីកើតទៅលិចដោយប្រើប្រាស់ល្បឿនលឿនខ្វះការប្រុងប្រយ័ត្នបណ្ដាលឱ្យរេចង្កូតដួលបោកក្បាលនិឹងថ្នល់បង្កការភ្ញាក់ផ្អើលដល់អ្នកភូមិទាំងយប់។
ក្រោយកើតហេតុ សមត្ថកិច្ចបានមកដល់ធ្វើការវាស់វែងនិងបានប្រគល់សពឱ្យក្រុមគ្រួសារយកទៅធ្វើបុណ្យតាបប្រពៃណី ៕
ដោយ៖ យឹម សុថាន
