ជើងឯកបាញ់កាំភ្លើង ទទួលបានមេដាយមាស អូឡាំពិកទីក្រុងតូក្យូ ជនជាតិអុីរ៉ង់ គឺជាបុគ្គលដែលអាមេរិក អុីស្រាអែល បារ៉ែន ដាក់ចូលក្នុងបញ្ជីភេរវរ។

លោក Javad Foroughi អាយុ៤១ឆ្នាំជនជាតិ អុីរ៉ង់ ទទួលបានមេដាយមាសអូឡាំពិកលើវិញ្ញាសារបាញ់កាំភ្លើងខ្លី ចម្ងាយ១០ម៉ែត្រ ។ លោក Javad Foroughi គឺជា ទាហាននៃសាធារណរដ្ឋអុីស្លាមអុីរ៉ង់។ កាលពីឆ្នាំ២០២០ អ្នកបាញ់កាំភ្លើងដៃឯក រូបនេះបានឆ្លងកូវីដ ១៩ហើយក្រោយពេលជាសះស្បើយ ក៏បានក្លាយជាសមាជិក ក្នុងក្រុមសុខាភិបាលទៅជួយទប់ស្កាត់កូវីដ ១៩ នៅក្នុងប្រទេសស៊ីរី ។ នៅក្នុងពិធីផ្តល់មេដាយមាស និងភ្លេងជាតិអុីរ៉ង់ លោក Javad Foroughi បានគោរពតាមបែបទាហានអុីរ៉ង់។ ក្នុងពេលនេះដែរសារព័ត៌មានធំៗរបស់អុីរ៉ង់បានផ្សព្វផ្សាយពាសពេញពីកីឡាករវ័យចំណាស់បំផុតរបស់អុីរ៉ង់ទទួលបានមេដាយមាសអូឡាំពិក។
អំពីការងាររបស់លោក Javad Foroughi នៅក្នុងជួរកងទ័ព គឺទទួលបន្ទុកសុខាភិបាល នោះគឺជាមូលហេតុដែលគត់ទៅចូលរួម ទប់ស្កាត់កូវីដ១៩ នៅស៊ីរី។ លោក Javad Foroughi បានលើកឡើងថា លោកទើបតែរៀនបាញ់កាំភ្លើងដំបូងគេបង្អស់នៅឆ្នាំ ២០១៧។
អ្វីដែលបង្កឲ្យភ្ញាក់ផ្អើលនោះគឺ លោក Javad Foroughi ត្រូវបានរដ្ឋាភិបាលអាមេរិក អុីស្រាអែលនិងបារ៉ែន ដាក់បញ្ជូលក្នុងបញ្ជីក្រុមភេរវកម្ម៕ ដោយ៖សាធី

Javad Foroughi ជនជាតិអុីរ៉ង់អបអរបន្ទាប់ពីឈ្នះមេដាយមាសលើកាំភ្លើងខ្លីចម្ងាយ ១០ ម៉ែត្របុរសនៅទីលានបាញ់កាំភ្លើង Asaka ក្នុងព្រឹត្តិការណ៍អូឡាំពិករដូវក្តៅឆ្នាំ ២០២០ ថ្ងៃសៅរ៍ទី ២៤ ខែកក្កដាឆ្នាំ ២០២១ នៅទីក្រុងតូក្យូប្រទេសជប៉ុន។ (រូបភាព​៖AP /Alex Brandon)