ខ្សែប្រយុទ្ធឆ្នើម Lionel Messi បាននិយាយទាំងទឹកភ្នែកថា “ខ្ញុំនៅតែមិនទានអាចទទួលយកបានចំពោះការពិតដែលត្រូវចាកចេញពីក្លិបនេះ។ ខ្ញុំស្រឡាញ់ក្លិបនេះខ្លាំងណាស់”។ ការនិយាយបែបនេះគឺធ្វើឡើងក្នុងសន្និសីទសារព័ត៌មានមួយដែលរូបគាត់ថានឹងចាកចេញពីក្លិប Barcelona ក្រោយពីបានចំណាយពេលអស់១៧ឆ្នាំនៅ Camp Nou។
បើទោះបី Lionel Messi យល់ព្រមកាត់ប្រាក់ខែរបស់ខ្លួនមកនៅត្រឹមពាក់កណ្តាល ដើម្បីបំពេញកិច្ចសន្យាថ្មីរយៈពេល៥ឆ្នាំ ដែលក្លិបត្រូវជំពាក់បំណុល១,២ពាន់លានអឺរ៉ូ (ស្មើនឹង១,៥ពាន់លានដុល្លារអាមេរិក)ក៏ដោយក៏ការព្រមព្រៀងគ្នា មិនអាចទៅរួចដោយសារតែច្បាប់រិតត្បិតដ៏តឹងរឹងទៅលើប្រាក់ខែកីឡាករក្នុងក្របខ័ណ្ឌ La Liga នៅអេស្ប៉ាញ។
ជាមួយគ្នានេះបើទោះបីមិនទាន់មានកិច្ចព្រមព្រៀងណាមួយជាមួយក្លិបផ្សេងកើតឡើងក៏ដោយ ប៉ុន្តែ Messi បានទទួលស្គាល់ថា ក្លិប Paris Saint Germain ទំនងជាគោលដៅដែលរូបគេត្រូវចូលរួម ខណៈដែលក្លិបនេះហាក់ដូចជាគោលដៅឈានមុខគេដែលរូបគាត់ទៅត្រូវដើម្បីបន្តអាជីព។
ខ្សែប្រយុទ្ធសញ្ជាតិអាហ្សង់ទីនរូបនេះ ត្រូវបានចាត់ទុកថា ជាកីឡាករដ៏ឆ្នើមបំផុតម្នាក់នៅក្នុងប្រវត្តិសាស្ត្រនៃកីឡាបាល់ទាត់បានឈ្នះពាន៣៥ជាមួយនឹងក្លិប Barcelona ដែលរូបគេបានចូលរួមតាំងពីវ័យ១៣ឆ្នាំ ក្នុងនោះរាប់បញ្ចូលទាំងការឈ្នះពានក្របខ័ណ្ឌ Champions League ៤លើក ពាន La Liga ១០លើកក៏ដូចជាបានស៊ុតបាល់បញ្ចូលទី៦៧២គ្រាប់ ៕ (រូបភាព ៖ BBC Sport)
