ខេត្តកំពង់ស្ពឺ ៖ ជនសង្ស័យពាក់ព័ន្ធទៅនឹងករណីគ្រឿងញៀន ៣នាក់ត្រូវបានកម្លាំងនគរបាលនៃអធិការរដ្ឋានស្រុកឱរ៉ាល់ធ្វើការអត់ខ្លួន។ហេតុការណ៍នេះបានកើតឡើងនៅថ្ងៃទី ១៦ ខែសីហា ឆ្នាំ២០២១ វេលាម៉ោង ១៩:០០នាទី ស្ថិតនៅចំណុចភូមិស្រែវៀន ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ។
សមត្ថកិច្ចបានឲ្យដឹងថាជនសង្ស័យដែលឃាត់ខ្លួនទាំង៣នាក់ខាងលើ
១-ឈ្មោះ សូត្រ ថុង ភេទ ប្រុស អាយុ ៣៦ឆ្នាំ
២-ឈ្មោះ សឿន សម្រេច ភេទ ប្រុស អាយុ ២១ឆ្នាំ ទាំង២នាក់នៅភូមិស្រែវៀន ឃុំសង្កែសាទប ស្រុកឱរ៉ាល់។
៣-ឈ្មោះ សល់ ហឿន ភេទ ប្រុស អាយុ ២០ឆ្នាំ នៅភូមិយ៉ាងពីស ឃុំសង្កែសាទប ស្រុកឱរ៉ាល់។
សមត្ថកិច្ចបានបញ្ជាក់ឲ្យដឹងទៀតថាក្រោយពីឃាត់ខ្លួនជនសង្ស័យទាំង៣នាក់បានដកហូតម្សៅក្រាមពណ៌សថ្លាសង្ស័យជាគ្រឿងញៀន ៦កញ្ចប់តូច ម៉ូតូ២គ្រឿង និង ទូរស័ព្ទដៃ ២គ្រឿង។
បច្ចុប្បន្នជនសង្ស័យទាំងបីត្រូវបានកម្លាំងជំនាញកំពុងកសាងសំណុំរឿង ចាត់ការតាមនីតិវិធី ៕
ដោយ ៖ ស សម
