ភ្នំពេញ ៖ គ្រោះអគ្គិភ័យមួយបានឆាបឆេះមន្ទីរពហុព្យាបាល សុខ លាភ មេត្រី ដែលស្ថិតនៅតាមបណ្តោយផ្លូវលេខ៣៦០ ក្បែរកែងមហាវិថីព្រះមុនីវង្ស ក្នុងភូមិ១ ក្រុម៤ សង្កាត់បឹងកេងកងទី១ ខណ្ឌបឹងកេងកង បង្កការភ្ញាក់ផ្អេីលដល់អាជ្ញាធរមូលដ្ឋាន និងមន្ត្រីជំនាញបង្ការពន្លត់អគ្គិភ័យចុះមកធ្វើអន្តរាគមន៍កាលពីវេលាម៉ោង ១០និង២០នាទីព្រឹក ថ្ងៃទី២៥ ខែសីហា ឆ្នាំ២០២១ ។
លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រាប់ឱ្យដឹងថា ម្ចាស់មន្ទីរពហុព្យាបាលសុខ លាភមេត្រីឈ្មោះ សុខ វិសាលគុណ ភេទប្រុស អាយុ២៥ឆ្នាំ ហើយមូលហេតុដែលបណ្ដាលឲ្យមានអគ្គិភ័យកើតឡើងគឺដោយសារតែឆ្លងចរន្តអគ្គិសនី ដោយបានបំផ្លាញថ្មបេតុងទំហំ ១២ម៉ែត្រ x ២០ម៉ែត្រ ខូចខាតម៉ាស៉ីនត្រជាក់ចំនួន១គ្រឿង, តុទូដាក់សម្ភារមួយចំនួន តែមិនបណ្តាលឲ្យឆេះរាលដាលដល់ផ្ទះអ្នកជិតខាងឡេីយ។
ក្នុងប្រតិបត្តិការសង្គ្រោះ នៃការពន្លត់អគ្គិភ័យនេះ កម្លាំងសមត្ថកិច្ចជំនាញបានប្រើប្រាស់រថយន្ដការិយាល័យបង្ការ និងពន្លត់អគ្គិភ័យចំនួន៥គ្រឿង ប្រើប្រាស់ទឹកអស់៥ឡាន ស្មើនឹង២០ម៉ែត្រគូប, រថយន្តជំនួយមកពីក្រសួងមហាផ្ទៃចំនួន២គ្រឿង ពុំបានប្រេីប្រាស់ទឹកទេ ដោយរលត់ទាំងស្រុងនៅវេលាម៉ោង១០និង៥០នាទីព្រឹក ថ្ងៃទី២៥ ខែសីហា ឆ្នាំ២០២១៕
ដោយ ៖ ភារ៉ា ដង្កោ
