ភ្នំពេញ៖ បេីយោងតាមផេកហ្វេសប៊ុកផ្លូវការរបស់ក្រសួងសាធារណការ និងដឹកជញ្ជូន នៅព្រឹកថ្ងៃសុក្រទី២៧ ខែសីហា ឆ្នាំ២០២១នេះ បានឱ្យដឹងថា៖ មន្ទីរសាធារណការ និងដឹកជញ្ជូន ខេត្តបាត់ដំបង តាកែវ បន្ទាយមានជ័យ សៀមរាប រតនគីរី កែប ត្បូងឃ្មុំ ក្រចេះ និងខេត្តកោះកុង ចាប់ពីថ្ងៃទី ២៣-២៦ ខែសីហា ឆ្នាំ២០២១ បានបន្តខិតខំយកចិត្តទុកដាក់ចុះត្រួតពិនិត្យថែទាំគុណភាពផ្លូវថ្នល់ជាតិ លើកំណាត់ផ្លូវជាតិលេខ៥, លេខ៦ ,លេខ៨ ,លេខ៣៣ ,លេខ៤៨ ,លេខ៧៣ ,លេខ៥៦ លេខ៥៧ ,លេខ៦៧ ,លេខ៦៨ ,លេខ៧៣ ,លេខ៦៤ ,លេខ៧៨ ,លេខ៤៨-៥ ,លេខ៣៣A និងផ្លូវថ្នល់ជាច្រើនខ្សែផ្សេងទៀត ដែលបានរងការខូចខាតក្លាយជាជង្ហុកសំបុកមាន់ ត្រូវបានជួសជុលផងដែរ។
ជាមួយគ្នានោះ ដើម្បីចូលរួមទប់ស្កាត់ការឆ្លងរីករាលដាលនៃជំងឺកូវីដ-១៩ សូមបងប្អូនប្រជាពលរដ្ឋចូលរួមរក្សាអនាម័យឱ្យបានជាប់ជានិច្ច និងគោរពតាមគោលការណ៍ណែនាំរាជរដ្ឋាភិបាល នូវវិធាន ៣ការពារ ៣កុំ ឱ្យបានគ្រប់ៗគ្នា។
ដោយឡែកប្រសិនបើបងប្អូនជួបបញ្ហាផ្លូវថ្នល់ខូច មានជង្ហុកសំបុកមាន់ សូមចូលរួមសហការ ក្នុងការថតរាយការណ៍មកក្រសួង ដោយប្រើប្រាស់កម្មវិធីថែទាំផ្លូវ (ROAD CARE Mobile App) ដេីម្បីជាការចូលរួមថែរក្សាផ្លូវថ្នល់របស់យេីង អាចប្រើប្រាស់បានយូរអង្វែង៕
ដោយ៖សហការី
