ភ្នំពេញ ៖ បុរសម្នាក់បេីករថយន្តឡង់គ្រីស័រយ៉ាងលឿនមិនប្រយ័ត្នបានជ្រុលទៅបុករថយន្តទួរីសដឹកអីវ៉ាន់ពីក្រោយពេញទំហឹង បណ្ដាលឲ្យរងការខូចខាតទាំងសងខាងយ៉ាងដំណំ ។ ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង៩ និង៣០នាទីព្រឹក ថ្ងៃទី៧ ខែកញ្ញា ឆ្នាំ២០២១ នៅចំណុចភ្លើងស្តុប៦០ម៉ែត្រ តាមបណ្ដោយផ្លូវ៦០ម៉ែត្រ កែងផ្លូវ៥០ម៉ែត្រ ក្នុងសង្កាត់ជេីងឯក ខណ្ឌដង្កោ រាជធានីភ្នំពេញ ។
តាមសម្ដីបុរសម្នាក់ជាភាគីរងគ្រោះខាងរថយន្តទួរីស ពណ៌ស ពាក់ស្លាកលេខភ្នំពេញ 2T-5090 បានឱ្យដឹងថា រូបគាត់បេីករថយន្តដឹកអីវ៉ាន់ចេញពីម្ដុំស្ពានអាកាស៧មករា ក្នុងបំណងទៅដាក់ឲ្យភ្ញៀវនៅកោះធំ (ខេត្តកណ្ដាល) និងបានធ្វេីដំណេីរតាមបណ្ដោយផ្លូវ៦០ម៉ែត្រក្នុង ទិសដៅពីជេីងទៅត្បូង ខណៈមកដល់ចំណុចកេីតហេតុស្រាប់តែរថយន្តបង្កម៉ាក ឡង់គ្រីស័រ ពណ៌ខ្មៅ ពាក់ស្លាកលេខភ្នំពេញ 2I -3068 ដែលធ្វេីដំណេីរមកពីក្រោយបានមកបុកគូទរថយន្តទួរីស
របស់គាត់ពេញទំហឹងបណ្ដាលឲ្យរងការខូចខាតទាំងសងខាងយ៉ាងដំណំ តែក្នុងហេតុការណ៍គ្រោះថ្នាក់ចរាចរណ៍នេះមិនបណ្ដាលឲ្យមនុស្សណាម្នាក់រងរបួសនោះទេ ។
ក្រោយកេីតហេតុភ្លាមៗ ភាគីបង្កខាងរថយន្តឡង់គ្រីស័រក៏បានសម្របសម្រួលជាមួយភាគីរថយន្តទួរីសផងដែរ ដោយព្រមយករថយន្តរងគ្រោះទៅជួសជុលឲ្យស្អាតដូចដេីមដេីម្បីបញ្ចប់រឿង និងមិនចង់រំខានដល់សមត្ថកិច្ចមូលដ្ឋានឡេីយ ៕
ដោយ ៖ ភារ៉ា ដង្កោ
