ភ្នំពេញ ៖ បងប្អូនប្រជាពលរដ្ឋជា
ច្រេីនបានកកស្ទះចរាចរណ៍ព្រោះតែរថយន្តបែនដឹកថ្មមួយគ្រឿងបានបែកកង់ក្រោយក្រឡាប់ផ្ងារជើងនៅចំកណ្ដាលផ្លូវ កាលពីវេលាម៉ោង១០និង៤០នាទីព្រឹកថ្ងៃទី៨ ខែកញ្ញា ឆ្នាំ២០២១ តាមបណ្ដោយផ្លូវ៥០ម៉ែត្រ ស្ថិតក្នុងភូមិព្រែកប្រណាក សង្កាត់ជើងឯក ខណ្ឌដង្កោ រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញបុរសម្នាក់បើករថយន្តម៉ាកហុីណូប្រភេទបែនធុនធំ ពណ៌ផ្កាឈូក អត់មានស្លាកលេខ ដឹកថ្មពេញព្រៀបធ្វេីដំណេីរតាមបណ្ដោយផ្លូវ៥០ម៉ែត្រក្នុងទិសដៅពីលិចទៅកើត ខណៈមកដល់ចំណុចកើតហេតុស្រាប់តែរថយន្តបានបែកកង់ខាងក្រោយផ្នែកខាងឆ្វេងហេីយរេចង្កូតក្រឡាប់ផ្ងារជើងនៅចំកណ្តាលផ្លូវ និងធ្លាក់ដុំថ្មរាយប៉ាយពេញផ្លូវ តែសំណាងល្អអ្នកបើកបររថយន្តបង្ក និងអ្នកដំណេីរមិន
មានអ្នកណារងរបួសនោះទេ។
ក្រោយពេលកើតហេតុ សមត្ថកិច្ចប៉ុស្តិ៍នគរបាលរដ្ឋបាលជើងឯក បានចុះទៅត្រួតពិនិត្យឃេីញថា រថយន្តបង្កនេះមិនមានប៉ះពាល់ដល់សម្បត្តិរដ្ឋ ហើយក៏មិនបង្កឲ្យមានអ្នករងរបួស ទេីបសមត្ថកិច្ចបានឲ្យម្ចាស់រថយន្តហៅរថយន្តស្ទូចមកស្ទូចយករថយន្តចេញពីកន្លែងកេីតហេតុ ។ ចំណែកដុំថ្មដែលធ្លាក់រាយប៉ាយពេញផ្លូវត្រូវបានប្រជាពលរដ្ឋរស់នៅក្បែរនោះនាំគ្នាយកប៉ែលមកកាយដាក់នៅចិញ្ចើមផ្លូវដើម្បីឱ្យបងប្អូនប្រជាពលរដ្ឋធ្វើដំណើរជាធម្មតាវិញ ៕
ដោយ ៖ ភារ៉ា ដង្កោ
