ខេត្តត្បូងឃ្មុំ ៖ សូមកុំប្រើប្រាស់ឧបករណ៍ខុសច្បាប់នារដូវពងកូន!
កម្លាំងប៉ុស្តិ៍នគរបាលរដ្ឋបាលទួលស្នួល និងប៉ុស្តិ៍នគរបាលរដ្ឋបាលប៉ើស១ បានសហការចុះបង្ក្រាបបទល្មើសនេសាទខុសច្បា.ប់ ប្រភេទលបស្បៃមុង នៅតំបន់ចំនួនពីរ ស្ថិតនៅ ភូមិឃុំផ្សេងគ្នា ខណ:ឧបករណ៍បង្ក្រាប បានត្រូវកាប់ និងដុតបំផ្លាញចោលនៅហ្នឹងកន្លែង និងលែងកូនត្រីចម្រុះអោយ ចូលបឹងវិញ ។
កិច្ចសហការបង្ក្រាបធ្វើឡើងនៅថ្ងៃទី១៦ ខែកញ្ញា ឆ្នាំ២០២១ នៅទីតាំងពីរកន្លែងផ្សេងគ្នា ទី១៖ នៅចំណុចបឹងត្រឡក ភូមិទួលស្នួល ឃុំទួលស្នួល បង្ក្រាបបានដូចជា ៖ លបស្បៃមុង ចំនួន០៨ មាត់ របាំងព្រួលប្រវែង៧៥០ម៉ែត្រ បង្គោលឬស្សី ចំនួន ១៣៦ដើម ។
ចំពោះ ឧបគរណ៍ល្មេីសនេសាទខាងលេី នេះត្រូវបានកាប់បំ.ផ្លាញចោលនៅហ្នឹងកន្លែង និងលែងកូនត្រីចម្រុះចំនួន១៩គីឡូក្រាម ។ និងទី២៖ ធ្វើឡើងនៅចំណុចបឹងក្រពើក្អក ភូមិព្រែកក្រូច ឃុំប៉ើស១បង្ក្រាបបាន ៖ លបស្បៃមុង ចំនួន ០៥មាត់ របាំងព្រួល ប្រវែង ៣៥០ ម៉ែត្រ។
ចំពោះសម្ភារខាងលើត្រូវបានកាប់ និងដុតបំផ្លាញចោលនៅហ្នឹងកន្លែង និងលែងកូនត្រីចម្រុះ០៥គីឡូក្រាម ៕
ដោយ៖ វណ្ណៈ
