ខេត្ត​ព្រះសីហនុ​៖​ បេី​យោង​តាមប្រភពព័ត៍មានពី​កម្លាំងមូលដ្ឋានកងរាជអាវុធហត្ថស្រុកព្រៃនប់ នៅព្រឹក​ថ្ងៃ​ពុធ​ទី​២២​ ខែកញ្ញា​ ឆ្នាំ​២០២១នេះ​ បានឱ្យដឹងថា​ កម្លាំងជំនាញ​កងរាជអាវុធហត្ថស្រុក បានសហការជាមួយកម្លាំងបង្ក្រាបបទល្មើសសត្វព្រៃចល័ត (វ៉ាយអេត) ក្រុមអន្តរាគមន៍បង្ក្រាបបទល្មើសសត្វព្រៃចល័ត កាលពីរសៀលថ្ងៃទី២១​ ខែកញ្ញា​ម្សិលមិញនេះ​ ចុះធ្វើការបង្រ្កាប បទល្មើសជួញដូរ និងរក្សាទុកសត្វព្រៃដោយខុសច្បាប់ ស្ថិតនៅភូមិបឹងរាំង ឃុំសាមគ្គី ស្រុកព្រៃនប់ ខេត្តព្រះសីហនុ ។

មន្រ្តីកងរាជអាវុធហត្ថស្រុកព្រៃនប់​ បានបញ្ជាក់បន្ថែមថា​ ជាលទ្ធផល​ កម្លាំង​ជំនាញ​បានដកហូតវត្ថុតាងរួមមាន៖
-សាច់ឈ្លូស 7 kg
-សាច់ជ្រូកព្រៃ 15 kg
-សាច់ប្រម៉ា 1 kg
-សត្វកុក 5 ក្បាល
-សត្វកំប្លុក 6 ក្បាល
-សត្វចាបស្រូវ 5 ក្បាល
-អណ្ដើកចំនួន 71 ក្បាល = 36 kg
-កុកក្រហមរស់ 5 ក្បាល។

គួរបញ្ជាក់ថា​ បច្ចុប្បន្ន វត្ថុតាងសត្វដែលរស់ត្រូវបានយកទៅប្រលែងនៅទីតាំងដែលមានសុវត្ថិភាព។ រីឯសាច់និងសត្វដែលងាប់ត្រូវបានយកទៅដុតកម្ទេចចោល ចំពោះម្ចាស់វត្ថុតាងត្រូវបានផាកពិន័យតាមនីតិវិធី៕

ដោយ​៖សហការី​