ភ្នំពេញ៖ រដ្ឋបាលខណ្ឌបឹងកេងកង នាព្រឹកថ្ងៃអង្គារ ៧រោច ខែភទ្របទ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២៨ ខែកញ្ញា ឆ្នាំ២០២១នេះ បានបើកកិច្ចប្រជុំសាមញ្ញលើកទី២៨ អាណត្ដិទី៣ របស់ក្រុមប្រឹក្សាខណ្ឌ ក្រោមអធិបតីភាពលោក គឹម ឈុនអ៊ូ ប្រធានក្រុមប្រឹក្សាខណ្ឌបឹងកេងកង ,លោក ធឹម សំអាន អភិបាល នៃគណៈអភិបាលខណ្ឌបឹងកេងកង ដោយមានការអញ្ជើញចូលរួមពីលោក សេង រតនៈ សមាជិកក្រុមប្រឹក្សារាជធានីភ្នំពេញ និងសមាជិក សមាជិកាក្រុមប្រឹក្សាខណ្ឌ លោក លោកស្រី អភិបាលរងខណ្ឌ នាយករដ្ឋបាលខណ្ឌ ការិយាល័យចំណុះជំនាញជុំវិញខណ្ឌ ចៅសង្កាត់ទាំង០៧ និងមន្ដ្រីពាក់ព័ន្ធ។
ជាក់ស្ដែងក្នុងកិច្ចប្រជុំនេះដែរ មានរបៀបវារៈកិច្ចប្រជុំដូចជា៖
*១. ពិនិត្យ និងអនុម័តសេចក្ដីព្រាងកំណត់ហេតុកិច្ចប្រជុំសាមញ្ញលើកទី២៧ របស់ក្រុមប្រឹក្សាខណ្ឌបឹងកេងកងអាណត្ដិទី៣។
*២. ពិនិត្យ និងអនុម័តសេចក្ដីព្រាង របាយការណ៍ប្រចាំត្រីមាសទី៣ និងទិសដៅការងារខែតុលា ឆ្នាំ២០២១ ស្ដីពីការអនុវត្ដការងាររដ្ឋបាលខណ្ឌបឹងកេងកង។
*៣. ពិនិត្យ និងអនុម័តបែងចែកប្រាក់រង្វាន់លើកទឹកចិត្តជូនមន្ត្រីរាជការ បុគ្គលិក ប្រចាំខែកញ្ញា ឆ្នាំ២០២១ របស់រដ្ឋបាលខណ្ឌបឹងកេងកង។
*៤. ពិនិត្យ និងអនុម័តពិន្ទុសូចនាករពានរង្វាន់សេវាសង្គម ឆ្នាំ២០២០។
*៥. បញ្ហាផ្សេងៗ៕
ដោយ៖សហការី
