ខេត្តស្វាយរៀង៖ បុរសមានសតិមិនប្រក្រតីនិងញៀនស្រាម្នាក់បានយកមកបិតអាករសម្លាប់ខ្លួនឯងបង្កការភ្ញាក់ផ្អើលដល់អ្នកភូមិនិងក្រុមគ្រួសារដឹកយកមកសង្គ្រោះនៅមន្ទីរពេទ្យខេត្តទាន់ពេល។
ហេតុការណ៏នេះបានកើតឡើងកាលពីវេលាម៉ោង១២និង១៩នាទី ថ្ងៃទី២៩ខែ
កញ្ញា ឆ្នាំ២០២១ ស្ថិតនៅចំណុចភូមិដើមពោធិ៍ ឃុំស្វាយតាយាន ស្រុកកំពង់រោទិ៍។
សមត្ថកិច្ចនគរបាលស្រុកបានឲ្យដឹងថាបុរសខាងលើមានឈ្មោះ វង្ស សាភណ្ឌ័អាយុ៣៣ មុខរបរមិនពិតប្រាកដមានទីលំ
នៅភូមិដើមពោធិ៍ ឃុំស្វាយតាយាន ស្រុកកំពង់រោទិ៍។
មុនកើតហេតុអ្នកភូមិបានឃើញបុរសឈ្មោះវង្ស សាភណ្ឌ័បានដើរមកលេងផ្ទះបងប្អូនមានឈ្មោះ មុំ រិះ ដែលនៅក្បែរភូមិគ្នា ក្រោយមកស្រាប់តែបុរសនេះ បានយកកាំបិតតាំងតោពណ៌ខ្មៅប្រវែង៤តឹក មកអាកខ្លួនឯង បង្កការភ្ញាក់ផ្អើលដល់អ្នកភូមិនិងក្រុមគ្រួសារកញ្ញាដឹកយកមកសង្គ្រោះនៅមន្ទីរពេទ្យខេត្ត។
តាមក្រុមគ្រួសារបានអោយដឹងថាបុរសឈ្មោះវង្ស សាភណ្ឌ័ គឺមានសតិមិនប្រក្រតីនិងញៀនស្រារផងទើបធ្វើសកម្មភាពគួរអោយរន្ធត់បែបនេះ៕
ដោយ៖ យឹម សុថាន
