ព្រឹកនេះ ! កម្ពុជាទទួល​បាន​វ៉ាក់សាំង​ Sinovac ចំនួន​ ២​លាន​ដូសបន្ថែម​ទៀត​​ ជា​ជំនួយ​ដ៏​ថ្លៃថ្លា​ របស់រដ្ឋាភិបាលនិងប្រជាជនចិនផ្តល់ជូន​រាជរដ្ឋាភិបាលកម្ពុជា

ចែករំលែក៖

ភ្នំពេញ ៖ នៅព្រឹកថ្ងៃទី ១៤ ខែតុលា ឆ្នាំ ២០២១ នេះ​ កម្ពុជានឹងទទួល​បាន​វ៉ាក់សាំង​ Sinovac ចំនួន​ ២​លាន​ដូសបន្ថែម​ទៀត​​ ដែល​ជា​ជំនួយ​ដ៏​ថ្លៃថ្លា​ របស់​រដ្ឋាភិបាលនិងប្រជាជនចិនផ្តល់​ ជូន​ រាជរដ្ឋាភិបាលកម្ពុជា តាតាមរយៈលោក វ៉ាង​យី​ ទីប្រឹក្សារដ្ឋ និងជារដ្ឋមន្ត្រីការបរទេស នៃសាធារណរដ្ឋប្រជាមានិតចិន ក្នុងឱកាសដែល លោក បានអញ្ជើញ​មក​បំពេញ​ទស្សនកិច្ច​នៅ​កម្ពុជា​ កាលពីពេល​ថ្មីៗ​ កន្លង​ទៅ​នេះ​។ នេះបើយោងតាម ការបញ្ជាក់អោយដឹងពីលោកស្រី យក់ សម្បត្តិ រដ្ឋលេខាធិការក្រសួងសុខាភិបាល កាលពីម្សិលមុិញ ។
សូមបញ្ជាក់ថា, កំណេីនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី១៣ ខែតុលា ឆ្នាំ២០២១ មាន ៩៩,៣២% ធៀបជាមួយចំនួនប្រជាជនគោលដៅ ១០លាននាក់ និងលើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៩០,០៧% ធៀបជាមួយចំនួនប្រជាជនគោលដៅ ១,៩៦៦,៩៣១ នាក់ និងលើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ៩៧,០៨% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់៕

...

ដោយ៖ សិលា

ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print