ភ្នំពេញ៖ ថ្មីៗនេះទស្សនិកជនមានការភ្ញាក់ផ្អើលក្នុងចង្កោមអ្នកសិល្បៈក្រោយពីចំណងស្នេហ៍រវាងតារាសម្តែងស្រីសាច់ខ្ចី ហ្វាហ្វា បានបែកបាក់ចំណងស្នេហានឹងតារាចម្រៀងវ័យក្មេង នាយចឺម។ ចំណងស្នេហាដែលទស្សនិកជនថាជាស្នេហារឹងមាំ មានការដឹងលឺពីចាស់ទុំទាំងសងខាងនោះត្រូវបានរង្គោះរង្គើរហើយ។ រង្គោះរង្គើក៏ក្រោយក្រោយពីនាយចឺមបានទៅស្និទ្ធិនឹងតារាសម្តែង ស្រី សេង សុខឃីម ថែមទាំងប្រកាសចំណងស្នេហ៍ដោយបើកចំហរដោយការដាក់Relationship លើបណ្តាញសង្គមផងដែរ។
មិនបានផ្តេចផ្តួលបញ្ចេញសារDrama ខូចចិត្តត្បិតព្រាត់ស្នេហ៍គ្នាឡើយ ហ្វាហ្វា បានទាំងបញ្ចេញសារលើកទឹកចិត្តខ្លួនឯងអមដោយរូបភាពសិចស៊ីជាច្រើនសន្លឹកបន្តបន្ទាប់ស្ទើរាល់ថ្ងៃដែលគេមើលខាងក្រៅអាចយល់ថានាងមិនបានខូចចិត្តនឹងរឿងរ៉ាវស្នេហា នោះឡើយ។ ទោះជាយ៉ាងណានៅមិនទាន់មានការបញ្ជាក់អំពីមូលហេតុនៅពីក្រោយការបែកបាក់ចំណងស្នេហារបស់សិល្បករមួយគូនេះនៅឡើយ។ អ្នកសិល្បៈម្នាក់ដែលស្គាល់ថាស្រីរូបនេះលើកឡើងថា មិនមែនហ្វាហ្វាមិនពិបាកចិត្តទេព្រោះកន្លងទៅនាងក៏ស្រលាញ់នាយចឺមខ្លាំងផងដែរ ទើបហ៊ានចេញមុខប្រកាសស្នេហ៍ជាសាធារណៈ ប៉ុន្តែនាងចង់បង្ហាញភាពរឹងមាំសម្រាប់អ្នកគាំទ្រនិងរំពឹងថានាងអាចធ្វើចិត្តបាននៅថ្ងៃខាងមុខនេះ ហើយនាងក៏មិនខ្វះបុរសៗតាមស្នេហ៍នោះដែរ ខណៈដែលនាយចឺមត្រូវបានអ្នកសិល្បៈ និងទស្សនិកជនធ្លាប់បានស្គាល់ថាជាតារាសម្បូរស្នេហ៍នឹងតែងលេចចេញដំណឹងស្នេហ៍មិនដាច់ជាមួយនារីមមួយចំនួន។
គួរបញ្ជាក់ដែរថា ចំណងស្នេហារវាងតារាចម្រៀង នាយ ចឺម និងតារាសម្តែងហ្វាហ្វា ត្រូវបានទម្លាយឡើងរយៈពេល៣ឆ្នាំចុងក្រោយនេះក្រោយពីពួកគេបានស្វែងយល់ចិត្តគ្នាក្រោមការដឹងលឺពីចាស់ទុំទាំងសងខាង ហើយកន្លងទៅអ្នកទាំងពីរក៏បានទាំងចូលរួមសម្តែងក្នុងបទចម្រៀងរួមគ្នាជាច្រើនហូរហែផងដែរ៕

ដោយ៖ វឌ្ឍនា