ភ្នំពេញ៖ ជនសង្ស័យ៣នាក់ត្រូវកម្លាំងព្រហ្មទណ្ឌខណ្ឌ៧មករាសហការប៉ុស្តិ៍អូរឫស្សី៣ ធ្វើការឃាត់ខ្លួនបន្ទាប់ពីពួកគេកំពុងប្រើប្រាស់គ្រឿងញឿន កាលពីវេលាម៉ោង៩ និង១០នាទីយប់ ថ្ងៃទី៥ ខែមេសា ឆ្នាំ២០១៦នៅចំណុចជណ្តើរលេខ ៨១+៨៣អឺ១ ផ្លូវ ២១៧ ផ្លូវឌូងហែម ស្ថិតក្នុងសង្កាត់អូរឬស្សី៣ ខណ្ឌ៧មករា រាជធានីភ្នំពេញ ។

ប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុកម្លាំងសមត្ថកិច្ចកំពុងល្បាតនៅតាមផ្លូវក្នុងមូលដ្នានរបស់ខ្លួនស្រាប់តែប្រទះឃើញជនសង្ស័យ៣នាក់ខាងលើ ខណៈកំពុងប្រើប្រាស់គ្រឿងញៀននៅចំណុចកើតខាងលើ ភ្លាមៗនោះជនសង្ស័យហាក់ដូចជាមានការភ័យហើយបម្រុងរត់គេចខ្លួនធ្វើឲ្យសមត្ថកិច្ចក៏បាននាំគ្នាដេញតាមពីក្រោយហើយក៏បានហៅជនសង្ស័យឲ្យឈប់នៅតែមិនឈប់ទៀត ក្រោយមកកម្លាំងសមត្ថកិច្ចក៏បានស្ទាក់ចាប់បានរួចធ្វើការឆែកឆេរខ្លួនតែរកមិនឃើញគ្រឿងញៀននោះទេមានតែប្រដាប់ជក់គ្រឿងញៀន ។

ជនសង្ស័យមានឈ្មោះទី ១-ចេវ ដូរ៉ា ហៅ ញ៉ក ភេទប្រុស អាយុ២៥ ឆ្នាំ មុខរបរមិនពិតប្រាកដ ទីលំនៅផ្ទះលេខ ៧៩អឺ១ហ្សិត ផ្លូវ២១៧ ភូមិ៥ សង្កាត់អូរឫស្សីទី៣ ខណ្ឌ៧មករា ទី២ឈ្មោះ-ណន់ រិទ្ធី ហៅ កណ្តុល ភេទប្រុស អាយុ២៥ ឆ្នាំ មុខរបរពិតប្រាកដ ទីលំនៅផ្ទះលេខមិតចាំ ផ្លូវ១៣៤ សង្កាត់មនោរម្យ ខណ្ឌ៧មករា និងទី៣ឈ្មោះ-ថាន់ ធម្មសិទ្ធ ភេទប្រុស អាយុ១៤ ឆ្នាំ មុនរបរ សិស្ស ទីលំនៅផ្ទះលេខ ភូមិអូសដូង ឃុំពងទឹក ខណ្ឌដំណាក់ចង្អើរ ក្រុងកែប ។ សម្ភារដកហូត ដប់ទឹកសុទ្ធ ០១ មានចោះប្រហោង ២ , ទុយោចំនួន ០៤ ដើម + ដែកកេះពណ៌ ក្រហម ០១ , ក្រដាស់សំរាប់ជក់ ០១ បន្ទះ ។

បច្ចុប្បន្នជនសង្ស័យរួមទាំងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅអធិការដ្នាននគរបាលខណ្ឌ៧មករា ដើម្បីសួរនាំនិងចាត់ការតាមនីតិវិធី៕

ដោយ៖ ស រស្មី