ភ្នំពេញ៖ ជនសង្ស័យ២នាក់ត្រូវបានចាប់ខ្លួននេះបេីយោងតាមរបាយការណ៍របស់សមត្ថកិច្ចនគរបាលខណ្ឌទួលគោក នៅថ្ងៃអង្គារទី០២ ខែវិច្ឆិកា ឆ្នាំ២០២១នេះ ។
សមត្ថកិច្ចបានឱ្យដឹងថា កម្លាំងនគរបាលព្រហ្មទណ្ឌកម្រិតស្រាលនៃក្រសួងមហាផ្ទៃ សហការជាមួយកម្លាំងនគរបាលខណ្ឌទួលគោក បានដេញតាមចាប់ឃាត់ខ្លួនជនសង្ស័យ២នាក់ ក្នុងចំណោមបក្សពួក៣នាក់ បានភ្លាមៗ ខណ:ជិះម៉ូតូធ្វើសកម្មភាពឆក់កាបូប ពីនារីម្នាក់នៅចំណុចស្តុបដេអិន ។
ដែលករណីនេះកាលពីវេលាម៉ោងជិត៨ យប់ថ្ងៃទី១ ខែវិច្ឆិកា ស្ថិតនៅតាមបណ្ដោយផ្លូវ ៥២៨ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។
យោងតាមរបាយការណ៍ដដែល បានបន្តថា មុនពេលកើតហេតុគេបានឃើញនារីរងគ្រោះ ជិះម៉ូតូមួយគ្រឿង ធ្វើដំណើរតាមបណ្តោយផ្លូវ២១៥ ខណៈមកដល់ចំណុចកើតហេតុ នៅជាប់ស្តុបដេអិន ស្រាប់តែលេចមុខជនសង្ស័យមានគ្នា៣នាក់ជិះម៉ូតូម៉ាកស្មាសមួយគ្រឿងពណ៌ខ្មៅ ពាក់ស្លាកលេខ ភ្នំពេញ១CC ៧៦៥៧ ជិះមកពីក្រោយក៏ឈោងដៃទៅឆក់កាបូបពីនារីរូបនោះរួចជិះរត់គេចខ្លួនតែត្រូវកម្លាំងព្រហ្មទណ្ឌកម្រិតស្រាលនៃក្រសួងមហាផ្ទៃឃើញទាន់ក៏ប្រដេញតាមពីក្រោយ និងទាក់ទងតាមវិទ្យុទៅខាងសមត្ថកិច្ចខណ្ឌទួលគោកដើម្បីជួយស្ទាក់បន្ទាប់មកជនសង្ស័យជិះរត់មកដល់ផ្លូវ៥២៨ចំណុចជាប់និងសាលាវេស្ទេន ក៏ត្រូវឃាត់ខ្លួនបាន២នាក់ ចំណែកបក្ខពួកម្នាក់ទៀតរត់គេខ្លួន។
ក្រោយឃាត់បានសមត្ថកិច្ចបញ្ជូនខ្លួនជនសង្ស័យទាំង២នាក់នេះទៅក្រសួងមហាផ្ទៃដើម្បីធ្វើការសួរនាំនិងបន្តនីតិវិធីតាមផ្លូវច្បាប់៕
ដោយ៖ អរុណរះ
