ខេត្តស្វាយរៀង៖ មានការភ្ញាក់ផ្អើលដល់ក្រុមគ្រួសារក៏ដូចជាអ្នកភូមិទាំងព្រឹកជួយសង្គ្រោះប៉ុន្តែអកុសលយឹតពេលទៅហើយខណ:ដែលបុរសម្នាក់ដែលជាងភ្លើងបានមកតខ្សែភ្លើងដាក់ធុងបាស់ ហើយមានការធ្វេសប្រហេសបណ្ដាលអោយឆក់ស្លាប់គួរអោយសង្វេគបំផុត។
ហេតុការណ៏នេះបានកើតឡើងកាលពីវេលាម៉ោង៧ព្រឹកថ្ងៃទី១១ខែវិច្ឆិកាឆ្នាំ២០២១នៅត្រង់ចំណុចភូមិថ្នា ឃុំគោកព្រីង ស្រុកស្វាយជ្រំ ខេត្តស្វាយរៀង។
យោងតាមសមត្ថកិច្ចនគរបាលស្រុកស្វាយជ្រំបានឲ្យដឹងថាបុរសខាងលើមានឈ្មោះចាន់ សៅ អាយុ២៧ឆ្នាំមុខរបរជាងភ្លើង មានទីលំនៅភូមិថ្នា ឃុំគោកព្រីង ស្រុកស្វាយជ្រំ ខេត្តស្វាយរៀង ។
បន្ទាប់ពីមានសេចក្ដីរាយការណ៍ពីអាជ្ញាធរមូលដ្ឋានសមត្ថកិច្ចនគរបាលស្រុកសហការជាមួយនគរបាលប៉ុស្តិ៍រដ្ឋបាលនិងគ្រូពេទ្យបានចុះមកពិនិត្យសពដោយសន្និដ្ឋានថាពិតជាស្លាប់ដោយសារឆក់ខ្សែភ្លើងប្រាកដមែនដោយមិនមានស្លាកស្នាមអ្វីដែលសំគាល់ថាជារឿងឃាតកម្មនោះទេ។
តាមអ្នកភូមិបានអោយដឹងថាមុនកើតហេតុគេឃើញបុរសខាងលើ បានដើរមកតខ្សែភ្លើងដាក់ធុងបាស់ប៉ុន្តែក្រោយមកស្រាប់តែក្រុមគ្រួសារស្រែកថាឆក់ខ្សែភ្លើងទើបបង្កការភ្ញាក់ផ្អើលដល់អ្នកភូមិនាំគ្នាជួយសង្គ្រោះអកុសលយឹតពេលទៅហើយ។
បន្ទាប់ពីសមត្ថកិច្ចធ្វើកំណត់ហេតុរួចទើបបានប្រគល់ឲ្យក្រុមគ្រួសារយកមកធ្វើបុណ្យតាមប្រពៃណីទាំងក្ដុកក្ដួលបំផុត៕
ដោយ៖ យឹម សុថាន
