ទាហាឆ័ត្រយោងរុស្ស៊ីពីរនាក់ស្លាប់ នៅក្នុងគ្រោះថ្នាក់ពេលចូលរូមហ្វឹកហាត់នៅតំបន់ព្រំដែនប្រទេស បេឡារ៉ូស និង ប៉ូឡូញ ដែលជាតំបន់កំពុងប្រឈមភាពតានតឹងដោយសារតែរលកជនភៀសខ្លួនសម្រុកទៅកាន់ទីនោះ។ ក្រសួងការពារជាតិរុស្ស៊ីបានបញ្ជាកថា ខ្យល់ខ្លាំងនិងបញ្ហាបច្ចេកទេសឆ័ត្រយោធ ទើបបណ្តាលឲ្យមានគ្រោះថ្នាក់ ស្លាប់ទាហានពីរនាក់ ក្នុងសមយុទ្ធរួមរវាងរុស្ស៊ីនិងប៉ូឡូញ ជិតព្រំដែនប្រទេសប៉ូឡូញនៅថ្ងៃទី ១២ខែវិច្ឆិកា។ ក្រសួងការពារជាតិរុស្ស៊ីបានបញ្ជាក់ថា ទាហានម្នាក់បានព្យាយាមជួយសង្គ្រោះទាហានម្នាក់ទៀតរហូតដល់នាទីចុងក្រោយ ជាមួយឆ័ត្រយោងបម្រុង ប៉ុន្តែដោយសារតែធ្លាក់មកជិតដល់ដី ទើបមិនអាចជួយទាន់ពេលវេលា។ តាមការប្រកាសរបស់ក្រសួងការពារជាតិរុស្ស៊ី ទាហានពីរនាក់ដែលបានស្លាប់នោះគឺជាទាហានកិច្ចព្រមព្រៀង ប៉ុន្តែទាហានទាំងពីរនោះមានបទពិសោធខ្ពស់ និង សញ្ញាបត្រស្តីពីការហ្វឹកហាត់លោតឆ័ត្រយោងយ៉ាងស្ទាត់ជំនាញ។ សូមបញ្ជាក់ផងដែរថា នៅថ្ងៃទី១២ខែវិច្ឆិកា ទាហានឆ័ត្រយោងរុស្ស៊ីប្រមាណ២៥០ នាក់ចូលរួមធ្វើសមយុទ្ធរួមជាំមួយប្រទេសបេឡារ៉ូស ដោយមានយុទ្ធសាស្ត្របំពេញភារកិច្ចនៅទីតាំងភូមិសាស្ត្រស្មុគស្មាញ និងការលោតឆ័ត្រយោង៕ដោយ៖សាធី

ប្រភពរុប៖ Bộ Quốc Phòng Belarus.

រូបថត៖AFP/TTXVN.