ភ្នំពេញ៖ នៅល្ងាចថ្ងៃទី២២ ខែវិច្ឆិកា ឆ្នាំ២០២១ ក្រសួងយុត្តិធម៌ សម្រេច : 

ប្រការ១ ត្រូវបានបង្កើតក្រុមការងារចំពោះកិច្ចទទួលបន្ទុកការងារបកប្រែភាសាបរទេសនៃក្រសួងយុត្តិធម៌ ដែលមាន សមាសភាពដូចខាងដូចខាងក្រោម: 

១/-លោក ជិន ម៉ាលីន រដ្ឋលេខាធិការ ក្រសួងយុត្តិធម៌ ជាប្រធាន

២/-លោក សន សោភ័ណ អនុរដ្ឋលេខាធិការ ជាអនុប្រធាន និយាយរួមអនុប្រធានចំនួន ៣រូប និងមានសមាជិកចំនួន ១១រូប 

ប្រការ២..ក្រុមការងារចំពោះកិច្ចទទួលបន្ទុកការងារបកប្រែភាសាបរទេសនៃក្រសួងយុត្តិធម៌ មានអនុក្រុមការងារ

ចំនួន ៣ ដូចខាងក្រោម៖

– អនុក្រុមការងារទទួលបន្ទុកបកប្រែភាសាអង់គ្លេស

– អនុក្រុមការងារទទួលបន្ទុកបកប្រែភាសាបារាំង

– អនុក្រុមការងារទទួលបន្ទុកបកប្រែភាសាចិន

ប្រការ៣…ក្រុមការងារចំពោះកិច្ចទទួលបន្ទុកការងារបកប្រែភាសាបរទេសនៃក្រសួងយុត្តិធម៌ មានតួនាទី និងភារកិច្ចដូចខាងក្រោម៖

– ទទួលបន្ទុកជាអ្នកបកប្រែភាសាផ្ទាល់មាត់ជូនរដ្ឋមន្រ្តី និងថ្នាក់ដឹកនាំក្រសួងយុត្តិធម៌ ក្នុងកិច្ចប្រជុំនិងជំនួបផ្សេងៗជាមួយភ្ញៀវ និងដៃគូអភិវឌ្ឍន៍អន្តរជាតិ

 – ធ្វើការបកប្រែឯកសារច្បាប់ លិខិតបទដ្ឋានគតិយុត្ត និង/ឬលិខិតរដ្ឋបាលនិងសេចក្តីប្រកាសព័ត៌មាន នានា តាមការចាំបាច់ ទៅជាភាសាអង់គ្លេស បារាំង ចិន និងភាសារបរទេសផ្សេងទៀត

– បំពេញភារកិច្ចផ្សេងៗទៀត តាមការកំណត់របស់រដ្ឋមន្ត្រីក្រសួងយុត្តិធម៌។

ប្រការ៤ ..អនុប្រធាន និងសមាជិកនៃក្រុមការងារ ត្រូវចូលរួមកិច្ចប្រជុំតាមការកោះអញ្ជើញរបស់ប្រធាន។ ក្នុងករណី ប្រធានអវត្តមាន អនុប្រធានអាចកោះប្រជុំ និង/ឬ ដឹកនាំកិច្ចប្រជុំជំនួសបាន តាមការប្រគល់សិទ្ធិពីប្រធាន។ ក្រុមការងារចំពោះកិច្ចទទួលបន្ទុកការងារបកប្រែភាសាបរទេសនៃក្រសួងយុត្តិធម៌ អាចជ្រើសរើសមន្ត្រី ក្រោមឱវាទ និងអ្នកជំនាញផ្នែកភាសាបរទេសបន្ថែម និងបង្កើតជាក្រុមជំនាញនីមួយៗ ដើម្បីជាជំនួយដល់ ដំណើរការការងាររបស់ខ្លួន។

ប្រការ៥…ក្រុមការងារប្រើប្រាស់ថវិការបស់ក្រសួងយុត្តិធម៌ ដើម្បីបំពេញការងារឱ្យមានប្រសិទ្ធភាព។ ក្រុមការងារ អាចទទួលមូលនិធិ ដែលបានមកពីហិរញ្ញប្បទានសហប្រតិបត្តិការជាតិ និងអន្តរជាតិ និងមកពីប្រភពផ្សេងៗទៀត។

ប្រការ៦…នាយកខុទ្ទកាល័យ អគ្គលេខាធិការនៃអគ្គលេខាធិការដ្ឋាន អគ្គនាយកនៃគ្រប់អគ្គនាយកដ្ឋាន អគ្គាធិការ នៃអគ្គាធិការដ្ឋានកិច្ចការតុលាការ ប្រធានគ្រប់អង្គភាពក្រោមឱវាទក្រសួងយុត្តិធម៌ និងសាមីខ្លួន ត្រូវទទួលបន្ទុក អនុវត្តសេចក្តីសម្រេចនេះ តាមភារកិច្ចរៀងៗខ្លួន ចាប់ពីថ្ងៃចុះហត្ថលេខាតទៅ ៕

ដោយ៖សុខ ខេមរា