អភិបាលខេត្តព្រៃវែងអញ្ជើញចែកបន្តោងខ្សែកាតសម្រាប់ដាក់កាតចាក់វ៉ាក់សាំងជូនសិស្សសាលាទូទាំងខេត្ត

ចែករំលែក៖

ខេត្តព្រៃវែង÷នៅព្រឹកថ្ងៃព្រហស្បតិ៍ ៦រោច ខែកត្តិក ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២៥ ខែវិច្ឆិកា ឆ្នាំ២០២១លោក ជា សុមេធី អភិបាលខេត្ត បានអញ្ជើញជាអធិបតីក្នុងពិធីចែកបន្តោងខ្សែរកាតសម្រាប់ដាក់កាតចាក់វ៉ាក់សាំងជូនសិស្សានុសិស្សទាំង១៣ ក្រុង ស្រុក ដោយមានការអញ្ជើញចូលរួមពីអភិបាលរងខេត្ត អភិបាលក្រុង/ស្រុក កងកម្លាំងទាំងបី លោក/លោកស្រីថ្នាក់ដឹកនាំមន្ទីរអង្គភាពជុំវិញខេត្ត ដែលប្រព្រឹត្តទៅនៅសាលាបឋមសិក្សាសម្តេចតេជោ ហ៊ុន សែន ព្រៃវែងក្រុង ខេត្តព្រៃវែង។

ក្នុងពិធីនោះលោកអភិបាលខេត្ត បានចែកបន្តោងខ្សែរកាតសម្រាប់ដាក់កាតចាក់វ៉ាក់សាំង ដើម្បីជួយរក្សាកាតចាក់វ៉ាកសាំងដល់សិស្សានុសិស្សក្នុងបរិបទនៃការរីករាលដាលជាសកលនៃជំងឺឆ្លងកូវីដ-១៩នេះ។ ដោយឡែកលោកអភិបាល ក៏សូមសំដែងនូវការវាយតម្លៃខ្ពស់ និងកោតសរសើរចំពោះលោកប្រធានមន្ទីរអប់រំ យុវជន និងកីឡាខេត្ត លោកនាយកសាលា ក៏ដូចជាលោកគ្រូអ្នកគ្រូទាំងអស់ ដែលបានសហការ សម្របសម្រួល និងយកចិត្តទុក្ខដាក់ខ្ពស់ ក្នុងការឆ្លើយតបទៅនឹងនយោបាយវ៉ាក់សាំងរបស់សម្ដេចតេជោ ដែលបានទប់ស្កាត់ការរីករាលដាលជំងឺកូវីដ-១៩ ដែលនាំអោយព្រះរាជាណាចក្រកម្ពុជា បានបើកសាលារៀនឡើងវិញ ទទួលបានជោគជ័យគួរអោយកត់សម្គាល់ ជាពិសេសក្នុងខេត្តព្រៃវែងយើងតែម្តង។

ក្នុងព្រឹកថ្ងៃដដែលលោកអភិបាលខេត្ត ក៏បានប្រគល់ថវិការាជរដ្ឋាភិបាលឧបត្ថម្តដល់គ្រួសារសព ដែលស្លាប់ដោយជំងឺកូវីដ-១៩ នៅបរិវេណមុខសាលាខេត្តព្រៃវែងផងដែរ។

ជាចុងក្រោយលោកអភិបាលខេត្ត សូមអោយគ្រឹះស្ថានអប់រំសិក្សាទាំងអស់ បន្តអនុវត្តគោលការណ៍អនាម័យ និងបង្ការជំងឺកូវីដ-១៩ តាមការណែនាំរបស់ក្រសួងអប់រំ និងក្រសួងសុខាភិបាលប្រកបដោយប្រសិទ្ធភាព និងសុវត្ថិភាពក្នុងបរិបទកូវីដ-១៩៕

ដោយ៖អ៊ុក សុខហេង

...


ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print