ខេត្តស្វាយរៀង៖ មានការភ្ញាក់ផ្អើលទាំងព្រឹក ដល់អ្នកភូមិនិងអ្នកធ្វើដំណើរបន្ទាប់ពីក្មេងប្រុសម្នាក់ជិះកង់បត់ឆ្វេងខ្វះប្រុងប្រយត្ន័ត្រូវរថយន្តដឹកកម្មករបុកពីក្រោយស្របគ្នាពេញទំហឹង។

ហេតុការណ៏នេះបានកើតឡើងកាលពីវេលាម៉ោង៦និង១០នាទីព្រឹកថ្ងៃទី១ខែធ្នូឆ្នាំ២០២១ លើផ្លូវក្រាលកៅស៊ូ ត្រង់ចំណុចភូមិអង្គសាលា ឃុំចំបក់ ស្រុកស្វាយជ្រំ ខេត្តស្វាយរៀង ។

យោងតាមសមត្ថកិច្ចនគរបាលស្រុកបានឲ្យដឹងថាក្មេងប្រុសដែលរបួសធ្ងន់មានឈ្មោះ ប៉ាល់ លីសាល អាយុ ១០ឆ្នាំ មុខរបរ សិស្សរស់នៅភូមិអង្គសាលា ឃុំចំបក់ ស្រុកស្វាយជ្រំ ខេត្តស្វាយរៀង។

ចំណែកអ្នកបើករថយន្តរងរបួសស្រាលត្រូវបានស្គាល់ឈ្មោះដោយឈ្មោះពុត ប៊ុនធឿន អាយុ ៣៥ឆ្នាំ មុខរបរបើករថយន្ដដឹកកម្មករ រោងចក្ររស់នៅភូមិកណ្ដាល ឃុំគ្រួស ស្រុកស្វាយជ្រំ ខេត្តស្វាយរៀង ។

តាមសាក្សីបានអោយដឹងថាមុនកើតហេតុមានក្មេងប្រុសម្នាក់បានជិះកង់មួយគ្រឿងក្នុងទិសដៅពីត្បូងទៅជើង លើផ្លូវក្រាលកៅស៊ូ ហើយក៏បត់ឆ្វេងខ្វះការប្រុងប្រយត្ន័ស្រាប់តែរថយន្តមួយគ្រឿងម៉ាក MitsuBisi ពណ៍ស ពាក់ស្លាកលេខភ្នំពេញ ៣C.៩២១៩ស្របទិសគ្នាជាន់ហ្វ្រាំងមិនទាន់ក៏បុកប៉ះពេញទំហឹងបង្ក
ការភ្ញាក់ផ្អើលទាំងព្រឹក ដល់អ្នកភូមិនិងអ្នកធ្វើដំណើរនិងប្រញាប់ប្រញាលយកក្មេងរងគ្រោះបញ្ជូនទៅព្យាបាលនៅមន្ទីពេទ្យបង្អែកខេត្តស្វាយរៀង។

រឺឯមធ្យាបាយធ្វើដំណើរទាំង២គ្រឿងសមត្ថកិច្ចវាស់វែងនិងអូសយកមករក្សាទុកនៅអធិការដ្ផាននគរបាលស្រុកស្វាយជ្រំ ដើម្បីដោះស្រាយពេលក្រោយតាមច្បាប់៕

ដោយ៖ យឹម  សុថាន