ខេត្តស្វាយរៀង៖ មានការភ្ញាក់ផ្អើលដល់អ្នកភូមិនិងក្រុមគ្រួសារប្រញាប់ប្រញាលជួយសង្គ្រោះអកុសលហួសពេលទៅហើយបន្ទាប់ពីឡើងចងបង្អោងធ្វើទឹកត្នោត ចៃដន្យដាច់ខ្សែបណ្ដាលឲ្យធ្លាក់កម្ពស់ជាង១០ម៉ែត្រ។
ហេតុការណ៍នេះបានកើតឡើងកាលពីវេលាម៉ោង១០ព្រឹកថ្ងៃទី៧ ខែនិង ធ្នូ ឆ្នាំ ២០២១ នៅចំណុចភូមិជប់ ឃុំកណ្ដៀងរាយ ស្រុស្វាយទាប ខេត្តស្វាយរៀង ។
យោងតាមសមត្ថកិច្ចនគរបាលស្រុកបានអោយដឹងថាបុរសរងគ្រោះមានឈ្មោះ សួស សាវឿន អាយុ៤៩ឆ្នាំ មុខរបរកសិករមានទីលំនៅភូមិឃុំកើតហេតុខាងលើ។
ក្រោយពីទទួលបានព័ត៌មានភ្លាមសមត្ថកិច្ចនគរបាលស្រុកសហការជាមួយនគរបាលប៉ុស្ត៏រដ្ឋបាលនិងគ្រូពេទ្យមណ្ឌលសុខភាពបានមកពិនិត្យសពដោយសន្និដ្ឋានថាពិតជាស្លាប់ដោយសារតែធ្លាក់ពីលើដើមត្នោតប្រាកដមែនដោយសារតែឡើងចងបង្អោងធ្វើទឹកត្នោត ស្រាប់តែដាច់ខ្សែបណ្ដាលឲ្យធ្លាក់ពីលើបង្កការភ្ញាក់ផ្អើលពីភូមិតែម្ដង។
ក្រោយមកក្រុមគ្រួសារបានយកជនរងគ្រោះដឹកមកសង្គ្រោះពេលបញ្ជូនដល់មន្ទីរពេទ្យប៉ុន្តែអកុសលហួសពេលទៅហើយ។
សពត្រូវបានសមត្ថកិច្ចធ្វើកំណត់ហេតុនិងប្រគល់អោយក្រុមគ្រួសារយកមកធ្វើបុណ្យតាមប្រពៃណីទាំងក្ដុកក្ដួលបំផុត៕

ដោយ៖ យឹម  សុថាន