ខេត្តស្វាយរៀង៖ បុរសម្នាក់ស្លាប់និងបុរស២នាក់ទៀតរងរបួសធ្ងន់ស្រាលដោយករណីគ្រោះថ្នាក់ចរាចរណ៏គួរអោយរន្ធត់រវាងម៉ូតូនិងម៉ូតូបង្កការភ្ញាកើផ្អើលដល់អ្នកភូមិទាំងយប់។
ហេតុការណ៏នេះបានកើតឡើងកាលពីវេលាម៉ោង៧និង៣០នាទីយប់
ថ្ងៃទី ១៨ ខែ ធ្នូ ឆ្នាំ ២០២១ លើផ្លូវជាតិលេខ ៣១៧B ស្ថិតក្នុងភូមិកំពោតស្គារ សង្កាត់ច្រកម្ទេស ក្រុងបាវិត ខេត្តស្វាយរៀង ។
យោងតាមសមត្ថកិច្ចនគរបាលបានអោយដឹងថាបុរសដែលស្លាប់មានឈ្មោះ តឹក នី អាយុ ១៩ ឆ្នាំ ជនជាតិខ្មែរ មុខរកម្មកររោងចក្រ មានទីលំនៅភូមិត្រពាំងផ្លុង ឃុំដូង ស្រុករមាសហែក ខេត្តស្វាយរៀង បើកបរម៉ូតូម៉ាកហុងដាសេ ១២៥ ពណ៏ខ្មៅ ពាក់ស្លាកលេខស្វាយរៀង១O៦២៩៧ខូចខាតយ៉ាងដំណំ។
ចំណែកភាគីម្ខាងទៀតមាន ឈ្មោះ ហេង ណារិន អាយុ ៣៨ ឆ្នាំ ជនជាតិខ្មែរ មុខរបរយោធា និងអ្នករួមដំណើរឈ្មោះ យ៉ាន់ សាវ៉ាត អាយុ ៣៦ ជនជាតិខ្មែរ មុខរបរនគរបាល
មានទីលំនៅភូមិថ្លុកព្រីង ឃុំពពែត ស្រុកស្វាយទាប ខេត្តស្វាយរៀង។
តាមសាក្សីបានអោយដឹងថាមិនកើតហេតុមានបុរសម្នាក់បានជិះម៉ូតូមួយគ្រឿងម៉ាកហុងដាសេ ១២៥ ពណ៏ខ្មៅ ពាក់ស្លាកលេខ ស្វាយរៀង១O៦២៩៧ក្នុងទិសដៅពី
ត្បូងទៅជើងវ៉ាជែងក្នុងស្ថានភាពគ្រោះថ្នាក់ ស្រាប់តែបុកជាមួយម៉ូតូម៉ាកណៃហត ពណ៏ខ្មៅ ពាក់ស្លាកលេខ ភ្នំពេញ ១BH១៥១២ជិះគ្នា២នាក់ពីជើងទៅត្បូង បញ្ច្រាស់គ្នាយ៉ាងពេញទំហឹងលាន់សូរដូចរន្ទះបង្កការភ្ញាក់ផ្អើលតែម្ដង។
ក្រោយមកអ្នករងរបួសត្រូវបានដឹកមក
សង្គ្រោះនៅមន្ទីរពេទ្យបង្អែកជីភូ ចំណែកសព សមត្ថកិច្ចធ្វើកំណត់ហេតុនិងបានប្រគល់ទៅអោយក្រុមគ្រួសារយកទៅធ្វើបុណ្យតាមប្រពៃណី ។
មធ្យោបាយ ធ្វើដំណើរម៉ូតូទាំង២គ្រឿងសមត្ថកិច្ចវាស់វែងនិងអូសយកមករក្សាទុកនៅអធិការដ្ឋាននគរបាលក្រុងបាវិត ដើម្បីដោះស្រាយតាមច្បាប់៕
ដោយ៖ យឹម សុថាន
